އިލެކްޝަންސް ކޮމިޝަން (އީސީ) އަށް ދެ މެންބަރުން އައްޔަންކުރެއްވުމަށްޓަކައި މެންބަރުކަމުގެ މަގާމަށް ކުރިމަތިލުމުގެ ފުރުސަތު ރައީސް އޮފީހުން ހުޅުވާލައްވައިފިއެވެ.

Ads by Asuru
އިލެކްޝަންސް ކޮމިޝަންގެ މެންބަރުކަމަށް އެދި ހުށަހެޅުމުގެ ފުރުަތު ހުޅުވާލައްވާފައިވަނީ މިއަދުން ފެށިގެން އަންނަ މަހުގެ ފަހެއް ވާ ބުރާސްފަތި ދުވަހުގެ 12:00 ގެ ނިޔަލަށެވެ.
އީސީގެ މެންބަރުކަމަށް ކުރިމަތިލުމަށް އެދި ހުށަހަޅާ ފޯމު ބަލައިގަތުމަށް ހަމަޖެހިފައިވަނީ މިކަމަށް ކުރިމަތިލުމަށް ދީފައިވާ މުއްދަތުގައި ރަސްމީ ބަންދު ދުވަސްތައް ފިޔަވައި އެހެން ދުވަސްދުވަހުގެ ހެނދުނު 08:30 އިން 12:00 އަށް ރައީސް އޮފީހުންނެވެ.

އިލެކްޝަންސް ކޮމިޝަންގެ މެންބަރުކަމުގެ މަޤާމަށް ކުރިމަތިލުމަށް އެދޭ ފޯމު ރައީސުލްޖުމްހޫރިއްޔާގެ އޮފީހުގެ ރިސެޕްޝަނުން ލިބެންހުންނާނެއެވެ. އަދި ރައީސުލްޖުމްހޫރިއްޔާގެ އޮފީހުގެ ވެބްސައިޓުންން ފޯމު ޑައުންލޯޑް ކުރެވޭނެއެވެ.

މި މަގާމަށް ހުޅުވާލައިފައިވަނީ ދާދިފަހުން އިލެކްޝަންސް ކޮމިޝަންސްގެ ނައިބުގެ މަގާމާއި އަދި މެންބަރުކަމުގެ މަގާމުގައި ހުންނެވި އަލީ ނަޝާތާއި މެމްބަރު މުހައްމަދު އާސިފު ނުފޫޒަށް ލެނބުމުގެ ތުހުމަތުކޮށް މަގާމުން ވަކިކޮށްފައިވުމުންނެވެ.