ގަވާއިދާ ހިލާފަށް އުޅޭ ބިދޭސީން ހޯދުމަށް މި ސަރުކާރުން ކުރާ މަސައްކަތުގެ ތެރެއިން މާލޭގައި ގަވާއިދާ ހިލާފަށް އުޅުނު ބިދޭސީންތަކެއް އިއްޔެ އަތުލައިގެންފިއެވެ.
އިމިގްރޭޝަނުން އެކްސްގައި ބުނީ އިއްޔެ ހިންގި ރެއިޑް އޮޕަރޭޝަންގައި މާލޭގައި ހިންގަމުންދާ އަށް ކެފޭއެއް ބަލައި ފާސްކޮށް، ގަވާއިދާ ހިލާފަށް މި ތަންތަނުގައި މަސައްކަތް ކުރަމުންދިޔަ ތިން ބިދޭސީއަކު އެ އިދާރާގެ ބެލުމުގެ ދަށަށް ގެންގޮސްފައިވާ ކަމަށެވެ.
މާލެ ސަރަހައްދުގައި ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލު ކުރަން ފެށި އޮޕަރޭޝަންގެ ދަށުން މިހާތަނަށް މާލެ އާއި ހުޅުމާލެ އިން އަދަދެއްގެ ބަޔަކު އަތުލައިގެންފައިވެއެވެ.
މީގެ ތެރޭގައި ގިނައީ ބަންގްލަދޭޝްގެ މީހުންނެވެ.
އިމިގްރޭޝަނުން ބުނެފައިވާ ގޮތުގައި މިދިޔަ އެއް އަހަރުތެރޭ 5،000 އަށް ވުރެ ގިނަ ބިދޭސީން ޑީޕޯޓްކޮށްފައިވެއެވެ. މިއީ ސަރުކާރަކުން މިހައިތަނަށް އެއް އަހަރުގެ ތެރޭގައި، މިކަމުގައި ހޯދި އެންމެ ބޮޑު ކާމިޔާބީއެވެ.
