ފޯޅަވަހީގެ މައްސަލައިގައި ދިވެހި ސަރުކާރުތަކުން އަމަލު ކުރަމުން އައި ގޮތް، ބަދަލު ކުރި ކުރުމަކީ ވެރިޔަކު އަމިއްލަ މަސްލަހަތަށްޓަކައި ވެފައިވާ އެންމެ ބޮޑު ހިޔާނާތް ކަމަށް ކުރީގެ ނައިބު ރައީސް ޑރ.މުހައްމަދު ޖަމީލު އަހުމަދު ވިދާޅުވެއްޖެއެވެ.
ޑރ.ޖަމީލު ކުރެއްވި ޓްވީޓެއްގައި ވިދާޅުވީ ސަރަހައްދުތައް ހިމާޔަތް ކުރުމަކީ ވެރިއެއްގެ އެންމެ އަސާސީ ޒިންމާ ކަމަށެވެ. އަދި ފޯޅަވަހީގެ ސަރަހައްދު ދޫކޮށްލިއިރު، ގާނޫނީ އެއްވެސް ހުއްޖަތެއް، ރައީސް އިބްރާހީމް މުހައްމަދު ސޯލިހުގެ ސަރުކާރަށް ދެއްކިފައި ނުވާ ކަަމަށްވެސް އެމަނިކުފާނު ވިދާޅުވިއެވެ.
ސަރަޙައްދުތައް ހިމާޔަތްކުރުމަކީ ވެރިއެއްގެ އެންމެ އަސާސީ ޒިންމާ. ފޯޅަވަހީގެ ސަރަޙައްދު ދޫކޮށްލިއިރު ޤާނޫނީ އެއްވެސް ޙުއްޖަތެއް ރ. @ibusolih ގެ ސަރުކާރަކަށް ނުދެއްކުނު. މިއީ ވެރިޔަކު އަމިލަ މަޞްލަޙަތަށްވީ އެންމެ ބޮޑު ޚިޔާނާތް. pic.twitter.com/afaXPcFMS2
— Mohamed Jameel Ahmed (@MJameelAhmed) October 31, 2022
ރާއްޖެއާއި ފޯޅަވަހީގެ ކަނޑުގެ ސަރަހައްދު ފުށުއަރާ މައްސަލާގައި ފޯޅަވަހީގެ މައްޗަށް މޮރީޝަސްގެ ސިޔާދަތީ ބާރު އޮތްކަމަށް ރާއްޖެއިން އެއްބަސްވެފައިވާތީ ސަރުކާރަށް ވަނީ ވަރަށް ބޮޑެތި ފާޑުކިޔުންތަކެއް އަމާޒުވެފައެވެ.
މި މައްސަލައިގައި، ރައީސް އިބްރާހީމް މުހައްމަދު ސޯލިހު، މޮރީޝަސްގެ ބޮޑުވަޒީރަށް ސިޓީފުޅެއް ފޮނުވިކަންވެސް ހާމަވެފައިވަނީ އިޓްލޮސްގައި ވަކާލަތުކުރައްވަމުން އެޓާނީ ޖެނެރަލް އިބްރާހީމް ރިއްފަތު، އެކަން ހާމަ ކުރެއްވުމަށް ފަހުގައެވެ.
