ރައީސް އިބްރާހީމް މުހައްމަދު ސޯލިހުގެ ވެރިކަމުގެ ހަތަރު އަހަރަކީ ފާސިގު ހަތަރު އަހަރު ކަމަށް ކުރީގެ ނައިބު ރައީސް ޑރ.މުޙައްމަދު ޖަމީލު އަޙުމަދު ވިދާޅުވެއްޖެއެވެ.
ސަރުކާރަށް ހަތަރު އަހަރު ފުރުމާ ގުޅިގެން، މިއަދު ކުރެއްވި ޓްވީޓެއްގައި ޖަމީލު ވިދާޅުވެފައިވަނީ މިއަށްވުރެ ތާކުންތާކު ނުޖެހޭ ވެރިކަމެއް އެމަނިކުފާނަށް ފެނިވަޑައިގެންފައި ނުވާ ކަމުގައެވެ.
ވެރިކަމަށް 4 އަހަރު މިއަށްވުރެ ތާކުންތާކުނުޖެހޭ ވެރިކަމެއް ނުފެނޭ:
1. ސަލާމަތާއި ރައްކާތެރިކަން ސުމެއް
2. ޤައުމުގެ ސަރަޙައްދާއި ބިން ވިއްކާލައިފި
3. ޑިމޮކްރެސީ ނޭވާހޮޅީގައި، ކޮރަޕްޝަން މެދުއުޑުގައި
4. ދީނަށް ބިރުބޮޑުވެ، މުންކަރާތް ޢާންމުވެއްޖެމިއީ ފާސިޤް 4 އަހަރު pic.twitter.com/Y9DBPNY6sG
— Mohamed Jameel Ahmed (@MJameelAhmed) November 17, 2022
އެގޮތުން މިވެރިކަމުގައި ސަލާމަތީ ރައްކާތެރިކަން ސުމެއް ކަމަށާއި، ޤައުމުގެ ސަރަހައްދާ ބިންވެސް ވިއްކާލައިފި ކަމަށް ޖަމީލު ވިދާޅުވިއެވެ. ޖަމީލު އިތުރަށް ވިދާޅުވީ ސަރުކާރުގެ ކޮރަޕްޝަން މެދު އުޑުގައި ޖެހިފައިވާއިރު، ޑިމޮކްރަސީވެސް އޮތީ ނޭވާ ހޮޅީގައި ކަަމަށެވެ. ދީނަށް ބިރު ބޮޑުވެ، މުންކަރާތްތައްވެސް އާންމުވެފައިވާ ކަމަށް އޭނާ ވިދާޅުވިއެވެ.
ރައީސް ސޯލިހުގެ ވެރިކަމަށް މިއަދު ހަތަރު އަަހަރު ފުރުނުއިރު، އެ މަނިކުފާނުގެ ސަރުކާރަށް ހޯދުނު ކާމިޔާބީތައް ވަޒީރުން ގެންދަވަނީ މީޑިއާތަކުގައި ހިއްސާ ކުރައްވަމުންނެވެ.