އެއްޖިންސުން ގުޅުން ހިންގުމުގެ ނުބައިކަން ބޮޑުވެގެންވާ ފާފައަށް އަރައިގަންނަ ފަރާތްތަކުންނާއި އެކަމަށް ހިތްވަރުދޭ، ނުވަތަ އެފަދަ އަމަލުތައް ކުރާ މީހުންގެ ހައްޤުތައް ހިމާޔަތް ކުރުމަށް ނުކުންނަ މީހުން ބުނާ އެއް ވާހަކަ އަކީ، އެއްޖިންސުން ގުޅުން ހިންގާ މީހުންނަށް އެކަން ކުރެވެނީ، އުފެދުމުގައިވެސް އެމީހުންނަކީ އެގޮތައް ލެއްވި ބައެއް ކަމުގައި ވާތީ ކަމަށެވެ.
މިގޮތުން އެއްޖިންސުން ގުޅުން ހިންގާ މީހުންނަނީ ”ހޯމޯން އިމްބެލެންސް“ މީހުން ކަމަށްވެސް ބުނެއެވެ. މިފަދަ ވާހަކަތައް ފަތުރާ މީހުންނަށް ޝެއިހް އާސިމް އަލްހަކީމް ވަނީ ރައްދެއް ދެއްވާފައެވެ.
ޝެއިހް ވިދާޅުވީ އިންސާނުންގެ ތެރޭގައި ކިތަންމެ ކަމެއް ކުރާ ހިތްވާ މީހުން ތިބޭނެ ކަަމަށެވެ. އޭގެތެރޭގައި ރޭޕް ކުރަން ބޭނުންވާ މީހުންނާއި، މީހުން މަރަން ބޭނުންވާ މީހުންވެސް ތިބޭނެ ކަމަށް ޝެއިހް ވިދާޅުވިއެވެ.
ޝެއިހް ވަނީ އެފަދަ މީހުން، ނުބައި ކަމެއް ކުރަން ބޭނުންވުމުން، ތިމަންނާ ލެއްވީ މިކަން ކުރާ ހިތްވާ ގޮތަށޭ ބުނެ، މީހުން ރޭޕް ކުރަމުން ނުވަތަ މަރަމުން ދާންވީތޯ ސުވާލު ކުރައްވާފައެވެ.
މީގެއިތުރުން ޝެއިހް ވަނީ ހޯމޯންތަކަށް ބަދަލު އައުމަކީވެސް ފަރުވާ ކުރެވޭ ކަމެއް ކަމަށްވެސް ވިދާޅުވެފައެވެ.
