ޕްރޮގްރެސިވް ޕާޓީ އޮފް މޯލްޑިވްސް(ޕީޕީއެމް)ގެ ރަޖިސްޓްރަރގެ މަގާމަށް އަހުމަދު ހަމްދާން ނާސިރު ހަމަޖައްސައިފިއެވެ.
ހަމްދާން މި މަގާމަށް ހަމަޖެއްސީ ރޭ ބޭއްވި ޕީޕީއެމްގެ ކައުންސިލް ބައްދަލުުވުމުގައި ބައިވެރިވެވަޑައިގެންނެވި މެމްބަރުންގެ އިއްތިފާގުންނެވެ.
މިރޭ ބޭއްވުނު ޕީޕީއެމްގެ ކައުންސިލް ބައްދަލުވުމުގައި، ބައިވެރިވި މެމްބަރުންގެ އިއްތިފާޤުން ޕީޕީއެމްގެ ރަޖިސްޓްރާގެ މަޤާމަށް އަހްމަދު ހަމްދާން ނާސިރުވަނީ ހަމަޖައްސާފައި.
މަރުޙަބާ @AhmedHamdhan pic.twitter.com/oywLFqI3OY— Progressive Party of Maldives (@ProgressPartyMV) June 4, 2022
ޕީޕީއެމްގެ ރަޖިސްޓްރަރގެ މަގާމުގައި މީގެ ކުރިން ހުންނެވީ ފެނަކައިގެ ކުރީގެ މެނޭޖިން ޑިރެކްޓަރު މުހައްމަދު ލައްމާނެވެ.
ހަމްދާނަކީ މީގެ ކުރިން ޔޫތު މިނިސްޓްރީގެ ކޯޑިނޭޓަރުގެ މަގާމުގައި ހުންނެވި ބޭފުޅެކެވެ. އޭނާ ވަނީ ނ.ހޮޅުދޫ ކައުންސިލުގެ ނައިބު ރައީސްކަންވެސް ދެ ދައުރުގައި ކުރައްވައިފައެވެ.
