މާލޭގައި އަންހެނަކު ރަހީނު ކުރި މައްސަލައިގައި ފުލުހުންގެ ހައްޔަރުގައި ހުއްޓާ އަމިއްލައަށް މަރުވި، އާދަމް އަތުހަރުގެ މަރުގެ މައްސަލަ ތަހުގީގު ކުރަމުން އަންނަ ކަމަށް ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) އިން ބުނެފިއެވެ.
މީގެއިތުރުން، ފުލުހުންގެ ބެލުމުގެ ދަށުގައި އަތުހަރު ވަނިކޮށް މިމަހުގެ އެއްވަނަ ދުވަހު އަތުހަރު އަމިއްލައަށް މަރުވާން އުޅުނު ހާދިސާއާއި ގުޅޭ މަޢުލޫމާތު ފުލުހުންގެ ފަރާތުން އެކޮމިޝަނުގެ ސަމާލުކަމަށް ގެނައި ވަގުތުން ފެށިގެން ކޮމިޝަނުގެ ރެޕިޑް ރެސްޕޮންސް ޓީމުން ހަރަކާތްތެރިވެ މިކަމާ ގުޅުންހުރި މައުލޫމާތުތައް އެއްކޮށް މި މައްސަލަ ވެސް ކޮމިޝަނުން ބަލަމުންދާކަމުގައެވެ.
ފުލުހުން ވަނީ އަތުހަރު ދަންޖެހުނު މަންޒަރު ރޭ ނޫޫސްވެރިންނަށް ދައްކައިފައެވެ. އަދި މިހާރު އޭނާގެ އާއިލާއަށް ވެސް، އެ ފުޓޭޖު ދައްކާފައިވާ ކަމަށް މައުލޫމާތު ލިބެއެވެ.
