ޕްރޮގްރެސިވް ޕާޓީ އޮފް މޯލްޑިވްސް(ޕީޕީއެމް)ގެ ވެރިކަމެއްގައި، ރާއްޖެއާ އިންޑިއާ އާ ދެމެދު ވެފައިވާ އެއްބަސްވުންތަކުގެ ތެރެއިން، ގައުމީ ސަލާމަތަށް ނުރަައްކާ ވެދާނެ ފަދަ ހުރިހާ އެއްބަސްވުމެއް އުވާލާނެ ކަމަށާއި އެއީ އެއްވެސް ޝައްކެއް އޮތް ކަމެއް ނޫން ކަމަށް ރައީސް ޔާމީން އަބްދުލްގައްޔޫމް ވިދާޅުވެއްޖެެއެވެ.
ރައީސް ޔާމީން މިހެން ވިދާޅުވެފައިވަނީ ”މޯލްޑިވްސް ވޮއިސް“އަށް އިނގެރޭސި ބަހުން ދެއްވި ބަސްދީގަތުމެއްގައެވެ.
އެމަނިކުފާނުވަނީ، އިރާދަކުރެއްވިއްޔާ އަންނަ އަހަރުގެ ރިޔާސީ އިންތިހާބު ކާމިޔާބުކޮށް، ވެރިކަން ހޯދާނެ ބަޔަކީ ޕީޕީއެމް ކަަމަށް ވިދާޅުވެފައެވެ.
ޕީޕީއެމްގެ ވެރިކަމެއްގައި، އިންޑިއާއާއެކު ދިވެހި ސަރުކާރުން ހަދާފައިވާ ހުރިހާ އެއްބަސްވުމެއް އުވާލާނެތޯ ސުވާލު ކުރުމުން ރައީސް ޔާމީން ވިދާޅުވީ ހުރިހާ އެއްބަސްވުމަކާމެދު އަމަލު ކުރާނެ ގޮތެއް އަދި ސާފު ނުވިޔަސް، ރާއްޖޭގެ ގައުމީ ސަލާމަތަށް ނުރައްކާވެދާނެ ހުރިހާ އެއްބަސްވުމެއް އުވާލާނެ ކަމަށެވެ.
އެހެން ސިޔާސީ ލީޑަރަކު މިހެން ބުނާނެތަ؟ އަޅުގަނޑަށް ހީވަނީ ނޫސްވެރިންވެސް ސިޔާސީ ލީޑަރުންގެ ތަފާތު ދެނެގަންނަން ވެއްޖެހެން. އެހެން ސިޔާސީ ލީޑަރަކު އިންޑިއާއާ ދެކޮޅަށް މިގޮތަށް އެއްޗެއް ބުނެފާނެތަ؟
ރައީސް ޔާމީން ވަނީ އިންޑިއާއިން ރާއްޖޭގެ ދާހިލީ، އަދި ހާރިޖީ ކަންކަމަށް ނުފޫޒު ފޯރުވަމުން އަންނައިރު، މިކަންކަމާ ދެކޮޅަށް އެހެން ސިޔާސީ ލީޑަރުން ވާހަކަ ނުދައްކަވާތީ، އެ ލީޑަރުންނަށް ވަރަށް ބޮޑަށް ފާޑުވިދާޅުވެފައެވެ.
ިމީނަގަޓްހުންނަނީމިހެއްވީމާ އެގޮތަށް ބުނަންކެރޭނެ ލީޑަރެއް އަދިމިގައުމުގާ ނެތޭ ދެންމިތިބީ ދިންކޮއްލިއަތަކައްފީސަބީލި