ޕްރޮސެކިއުޓަރު ޖެނެރަލް ހުސައިން ޝަމީމްގެ މައްޗަށް ޖިނާއީ ތުހަމަތެއްގައި އެއްވެސް ތަހުގީގެއް ހިންގަމުން ނުދާ ކަމަށް މޯލްޑިވްސް ޕޮލިސް ސަރވިސްއިން ބުނެފިއެވެ.

Ads by Asuru

ފުލުހުން މިހެން ބުނެފައިވާއިރު، ޕީޖީ ޝަމީމް ކުޑަ ކުއްޖަކަށް ޖިންސީ ގޯނާ ކުރި ކަމުގެ މައްސަލައެއް ފެންމަތިވެފައިވާކަމަށް ބައެއް މީޑިއާތަކުން، މީގެ ދެތިން ދުވަސް ކުރިން ރިޕޯޓް ކުރިއެވެ.

މިކަމާ ގުޅޭގޮތުން އޭރު ނޫސްވެރިން ތަކުރާރުކޮށް ސުވާލު ކުރުމުންވެސް ފުލުހުން އެއްވެސް ޖަވާބެއް ދީފައެއްވެސް ނުވެއެވެ.

މިކަމާ ގުޅިގެން ހަނު ހުރުމަށްފަހު، ފުލުހުންގެ މީޑިއާ އޮފިޝަލު، މީޑިއާތަކަށް ފޮނުއްވި މެސެޖެއްގައި ބުނެފައިވަނީ ޕްރޮސެކިއުޓަރު ޖެނެރަލް ހުސައިން ޝަމީމްގެ މައްޗަށް ޖިނާއީ ތުހަމަތެއްގައި އެއްވެސް ތަހުގީގެއް ހިންގަމުން ނުދާ ކަމަށެވެ.