މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީޒޯން ނަމުގައި ކުންފުންޏެއް އުފެއްދުމަށް ވަޒީރުންގެ މަޖިލީހުގެ ލަފަޔާ އެކު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވައިފިއެވެ.
ރައީސް މި ނިންމެވުން ނިންމެވީ މިދިޔަ މަހުގެ 31 ވަނަ ދުވަހު ބޭއްވެވި ވަޒީރުންގެ މަޖިލީހުގެ ޖަލްސާ ގައެވެ.
ރައީސްގެ މި ނިންްމެވުމަށް މަރުހަބާ ދަންނަވައި، ޕީޕީއެމްގެ ކުރީގެ ސަރުކާރާއި، މި ސަރުކާރުގެ ވެސް އިކޮނޮމިކް މިނިސްޓަރު މުޙައްމަދު ސަޢީދު ވިދާޅުވީ ކުންފުނި އުފެއްދުމުގެ މަޤްސަދަކީ ދިވެހި އިޤްތިޞާދު މުޅީން އެހެން ހަރުފަތަކަށް ގެންދިއުން ކަމަށެވެ.
މިނިސްޓަރު ވިދާޅުވި ގޮތުގައި، މި ކުންފުނީގެ ސަބަބުން ރާއްޖޭގެ އިޤްތިޞާދީ ރައްކާތެރިކަން ކަށަވަރު ކުރެވިގެންދާނެއެވެ.
މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީޒޯން އުފައްދަނީ 100 ޕަސެންޓް ދިވެހ ކުންފުންޏެއްގެ ގޮތުގައެވެ.
Congratulations President Dr @MMuizzu on the decision to form a 100% state owned compamy – Maldives Industrial Development Free Zone to focus on economic diversification, ensuring economic security and tapping into the business of transshipment and re exporting. pic.twitter.com/Fuug9CDfy7
— Mohamed Saeed (@em_saeed) January 1, 2024
ހަމައެކަނި ފަތުރުވެރިކަމާއި މަސްވެރި ކަމަށް ރާއްޖެ ބަރޯސާވެފައި އޮންނަ އޮތުމުގެ ބަދަލުގައި ރި-އެކްސްޕޯޓް ފުޅާ ކުރެވެން ހުރި ގޮތްތަައް ހޯދާ ޓްރާންޝިޕްމަންޓާއި އެ ނޫން ދާއިރާތަކުން ފުރުސަތު ފަހި ކުރުމަށް ރައީީސް ޑރ.މުޙައްމަދު މުޢިއްޒުގެ ސަރުކާރުން އިސްކަން ދެއްވައެވެ.
