އިންޑިއާގެ ބޮޑުވަޒީރު އެ ޤައުމުގެ ފަތުރުވެރިކަން އިޝްތިހާރު ކުރުމަށް އެކްސްގައިކުރެއްވި ޕޯސްޓަކަށްފަހު، އިންޑިއާގެ ސޯޝަލް މީޑިއާގައި ރާއްޖެއާއި ދެކޮޅަށް ވަރުގަދަ އެންޓި ކެމްޕޭނެއް ފެށުމާއި ގުޅިގެން، ރާއްޖޭގެ ސޯޝަލް މީޑިއާގެ ވަސީލަތްތަކުގައި ސަރުކާރުގެ އިސް ބައެއް ފަރާތްތަކުން، ރާއްޖެއާއި ދެކޮޅަށް ހިންގަމުންދާ އެންޓި ކެމްޕޭނަށް ރައްދު ދޭން ފެއްޓެވިއެވެ.
މިކަން ހޫނުވުމުން، ފޮރިން މިނިސްޓްރީން ނެރުނު ބަޔާނުގައި ބުނެފައި ވަނީ، އިންޑިއާގެ ވެރީންނަށް ނިސްބަތްކޮށް ސޯޝަލް މީޑިއާގައި ފާޅުކުރި ޚިޔާލުތަކަކީ، ދިވެހި ސަރުކާރުގެ ވިސްނުން ރަމްޒުކޮށްދޭ ޚިޔާލުތަކެއް ނޫން ކަމަށެވެ.
އަދި މި ބަޔާނުގައި ވަނީ، ޚިޔާލުފާޅުކުރުމުގެ މިނިވަންކަން ބޭނުންކުރަންވާނީ ޑިމޮކްރެޓިކް އަދި ޒިންމާދާރު ގޮތެއްގައި، ނަފްރަތު ނުފެތުރުމާއި، ރާއްޖެއާއި ބައިނަލްއަޤްވާމީ ބައިވެރިންގެ މެދުގައި އޮންނަ ގާތް ގުޅުމަށް ހުރަސްނޭޅޭ ފަދަ ގޮތަކަށް ކަމަށެވެ.
އަދި އެފަދަ އިހާނެތި ބަސްތައް ފަތުރާ ފަރާތްތަކާމެދު ފިޔަވަޅު އެޅުމަށް ސަރުކާރުގެ ކަމާބެހޭ އިދާރާތަކުން ފަސްނުޖެހޭނެ ކަމަށްވެސް މި ބަޔާނުގައި ބުނެފައިވެއެވެ.
ތަސައްރަފު ނުފުދޭ އަންހެން ބޭކަބަލުންނަށް މަތީ ވަޒީފާ ދިނީމާ އަތް ނުފޯރާ ވަރުގެ ގެއްލުން ގައުމަށް ލިބިގެން ހިގައިދާނެއެވެ. ތަބީއަތުގައި ވަކި ތަނެއްގައި ގާއިމު ކުރަން ޖެހޭ ބަޔަކު ސަރަހައްދުން ބޭރު ކުރީމާ ނުކުންނާނީ މިފަދަ ނަތީޖާއެވެ.