މިއަދު ކުރިއަށްދާ 20 ވަނަ ރައްޔިތުންގެ މަޖިލިސް އިންތިހާބުގެ ވޯޓުލުމުގެ ވަގުތު ކުޑަތަންވަމުން އަންނައިރު، މިހާތަނަށް އަދި އެއް ލައްކައަށްވުރެ ގިނަ މީހުން ވޯޓުނުލާކަމަށް އިލެކްޝަންސް ކޮމިޝަން (އީސީ) ބުނެފިއެވެ.
އީސީން ބުނީ މިއަދު 4 ޖެހުމާ ހަމައަށް 181,406 މީހުން ވޯޓުލާފައިވާކަމަށެވެ. އެއީ 88,230 އަންހެނުންނާއި 93,176 ފިރިހެނުންނެވެ.
އީސީން ބުނީ 36.27 އިންސައްތަ މީހުން އަދި ވޯޓުލުމުގެ ހައްގު އަދާނުކުރާ ކަމަށެވެ.
މިފަހަރުގެ މަޖިލިސް އިންތިހާބުގައި 284,663 މީހުންނަށް ވޯޓުލުމުގެ ހައްގު ލިބިފައިވާއިރު އޭގެ ތެރޭގައި ހިމެނެނީ 139,361 އަންހެނުންނާއި 145,302 ފިރިހެނުންނެވެ.
ހެނދުނު 8 ޖެހިއިރު ވޯޓުލުން ފަށާފައިވާއިރު، ވޯޓުލުން ކުރިއަށްދާނީ 5:30 ގެ ނިޔަލަށެވެ.
މި އިންތިހާބުގައި 603 އަށް ވުރެ ގިނަ ވޯޓްފޮށި ބަހައްޓާފައިވާއިރު ރާއްޖެއިން ބޭރުގެ ތިން ގައުމެއްގައިވެސް ވަނީ ވޯޓު ފޮށި ބަހައްޓާފައެވެ. އެއީ އިންޑިއާ، ސްރީ ލަންކާ އަދި މެލޭޝިއާގަ އެވެ. އެ ގައުމުތަކުގައި ވެސް ވޯޓްލުން ކުރިއަށް ގެންދަނީ ރާއްޖޭގައި ވެސް ވޯޓްލާން ކަނޑައަޅާފައިވާ ގަޑިތަކާ ދިމާވާ ގޮތަށެވެ.
