މި އަހަރުގެ އަޟްހާ އީދު ފާހަގަކުރަން ހުޅުވާލި ފުރުސަތުގައި 26 ރަށަކުން ޝައުގުވެރިކަން ފާޅުކޮށްފިއެވެ.
ދިވެހި ބަހާއި ސަގާފަތާއި ތަރިކައާއި ބެހޭ މިނިސްޓްރީން ބުނީ ބޮޑު އީދު ކުލަ ގަދަކޮށް ފާހަގަ ކުރުމަށް ހުޅުވާލި ފުރުސަތުގައި ރަނގަޅު ތަރުހީބެއް ލިބިފައިވާ ކަމަށެވެ.
އަދި ލިބުނު ހުށަހެޅުންތައް ބަލައި ރަށްތައް ކަނޑައެޅުމުގެ މަސައްކަތް ކުރިއަށްދާ ކަމަށެވެ.
ޖޫން މަހުހެ ސަތާރަ ވަނަ ދުވަހު ފާހަގަކުރާ އަޟްހާ އީދު ދުވަސް، ކުލަ ގަދަކޮށް ފާހަގަކުރުމަށް ރާއްޖޭގެ ތިން ރަށެއް ކަނޑައަޅާނެއެވެ.
އަދި ރަށްތައް ކަނޑައެޅުމުގައި ބަލާނެ ކަންތައްތަކުގެ ތެރޭގައި، އީދުގައި އެރަށަކުން ކުޅޭނެ ކުޅިވަރުތަކަށާއި، ކުރާނެ ހަރަދުތަކާއި، އަގެއް ނުނަގައި އެރަށަކުން ކޮށްދޭނެ ކަންތައްތައް ހިމެނެއެވެ.
އަދި އިއުލާނާއެކު ޕްރޮފޯސަލްގައި ހިމެނެން ބޭނުންވާ މައިގަނޑު ބައިތައް ހިމެނޭ ލިޔުމާއި އަޟްހާ އީދު ފާހަގަކުރާ ރަށްރަށް ކަނޑައެޅުމުގައި ބަލާނެ މިންގަނޑުތައް ހިމެނޭ ލިޔުން އެއްކަރުދާސް ކޮށްފައިވެއެވެ.
