އީރާނުގެ ރައީސް ޑރ. އިބްރާހީމް ރައީސީއާއި އެ ގައުމުގެ މަތީ ފަންތީގެ ވަފުދެއް ދަތުރުކުރަމުންދިޔަ ހެލިކޮޕްޓަރަށް ދިމާވި ހާދިސާއާ ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކަންބޮޑުވުން ފާޅުކުރައްވައިފިއެވެ.
މީސް މީޑިއާ ޕްލެޓްފޯމް، އެކްސްގައި ރައީސް މުއިއްޒު މިރޭ ކުރެއްވި މެސެޖުގައި، އެމަނިކުފާނުގެ އަމިއްލަ ނަންފުޅުގަޔާއި ދިވެހި ސަރުކާރާއި ރައްޔިތުންގެ ނަމުގައި، ވަނީ ’ސަރޗް އެންޑް ރެސްކިއު އޮޕަރޭޝަންތަކަށް‘ ކާމިޔާބު ލިބުމަށް އެދިވަޑައިގަންނަވާފައެވެ.
އަދި ދަތުރުގައި ހިމެނިވަޑައިގަންނަވާ އެންމެހާ ބޭފުޅުން ހެޔޮ ހާލުގައި އަވަހަށް ފެނުމަށް އެދިވަޑައިގަންނަވާކަމަށް އެމަނިކުފާނު ވިދާޅުވެފައިވެއެވެ.
I am saddened to hear the concerning news of the helicopter incident involving President of Iran, His Excellency Dr Ebrahim Raisi and senior delegation.
On behalf of the Government and people of Maldives, I extend my best wishes to the search and rescue operations, for the fast…
— Dr Mohamed Muizzu (@MMuizzu) May 19, 2024
އީރާނުގެ ރައީސް އާއި ހާރިޖީ ވަޒީރު ދަތުރު ކުރެއްވި ހެލިކޮޕްޓަރު ވެއްޓުނީ މޫސުން ގޯސް ވުމުންނެވެ.
އެ އުޅަނދު ހޯދުމުގެ މަސައްކަތް ކުރިއަށްދާއިރު، ހެލިކޮޕްޓަރުގައިވާ ފަޅުވެރިޔަކާއި ގުޅިފައިވާ ކަމަށް ޚަބަރު ލިބެއެވެ. އަދި ހެލިކޮޕްޓަރު ފެނިފައިވާ ކަމަށް ބައެއް މީޑިއާތަކުން ރިޕޯޓު ކުރިއިރު، އީރާނުގެ ރެޑް ކްރެސެންޓުން، މި ވާހަކަ ދޮގު ކުރެއެވެ.
