ރައީސް ޔާމީން އަބްދުލްގައްޔޫމަށް ޕްރޮގްރެސިވް ކޮންގްރެސް ކޯލިޝަނުގެ ރިޔާސީ ޓިކެޓު އެރުވީ ދިވެހި ރައްޔިތުންގެ އުއްމީދުތަކުގައި ކުލަ ޖައްސައިދިނުމަށް ކަމަށް ޕީއެންސީގެ ޕީޖީ ލީޑަރު އާދަމް ޝަރީފު އުމަރު ވިދާޅުވެއްޖެއެވެ.
ހުކުރު ދުވަހުގެ ރޭ، ރައީސް ޔާމީނަށް ވަނީ ރަސްމީކޮށް އިދިކޮޅުގެ ރިޔާސީ ޓިކެޓު އަރުވާފައެވެ. އެކަމަށްޓަކައި ކާނިވާ ސަރަހައްދުގައި ބޭއްވި ޖަލްސާގައި ރައީސް ޔާމީނަށް ތާއީދު ކުރާ ވަރަށް ގިނަ ބަޔަކު ބައިވެރިވިއެވެ.
އާދަމް ޝަރީފު ވިދާޅުވީ ޕީޕީއެމް-ޕީއެންސީގެ ކޯލިޝަނުގެ ރިޔާސީ ޓިކެޓު ރައީސް ޔާމީނަށް ދިނުމަށް ވަރަށް ގިނަ ދިވެހި ރައްޔިތުން އެދޭ ކަމަށެވެ. އަދި އެމަނިކުފާނަށް ރިޔާސީ ޓިކެޓު ދިނީ ރައްޔިތުންގެ ކަންބޮޑުވުންތައް ހައްލު ކުރުމަށް ކަމަށްވެސް އޭނާ ވަނީ ވިދާޅުވެފައެވެ.
Riyaasee ticket RY ah dhinumakee Dhivehinge gina baehge ummeedhuthakaa gulhifaivaa kamehkan reyge jalsaain haamavey. Maruhabaa @prz_ymn. RY ah ticket eruvee Rayyithunge ummeedhuthakugai kula jassaidhee, rayyithunge kanboduvunthakah hallu hoadhaidhinumah!https://t.co/Qamlv66koF
— Adam Shareef Umar (@Adamshareefz) August 20, 2022
ރިޔާސީ ޕްރައިމަރީއަކާ ނުލައި، ރިޔާސީ ޓިކެޓު އެރުވީ، ޕީޕީއެމްގެ އަސާސީ ގަވައިދުގެ 45 ށގެ ދަށުންނެވެ. އެ މާއްދާގައިވާ ގޮތުން، ޕީޕީއެމްގެ މެމްބަރަކު ވެރިކަމުގެ ފަސް އަހަރުގެ ދައުރެއް ފުރިހަމަ ކުރައްވައިފިނަމަ، ޕްރައިމަރީއަކާ ނުލާ އެ މެމްބަރަކަށް ރިޔާސީ ޓިކެޓު ދިނުމަށް ޕާޓީގެ ސެނެޓަށް ނިންމޭނެއެވެ.
