ރައީސް އިބްރާހީމް މުހައްމަދު ސޯލިހުގެ ސަރުކާރުން، ފާއިތުވި ހަތަރު އަހަރު ދުވަހުގެ ތެެރޭގައި އުފެއްދީ 4،000 ވަޒީފާ ކަމަށް ރައީސް ޔާމީން އަބްދުލްގައްޔޫމް ވިދާޅުވުމުން، ފިނޭންސް މިނިސްޓަރު އިބްރާހީމް އަމީރު އެމަނިކުފާނަށް ރައްދު ދެއްވައިފިއެވެ.
ހުކުރު ދުވަހުގެ ރޭ ކާނިވާ ސަރަހައްދުގައި ބޭއްވި ޖަލްސާގައި ވާހަަކަފުޅު ދައްކަވަމުން ސަރުކާރަށް ފާޑުވިދާޅުވެ، ރައީސް ޔާމީން ވަނީ، ސަރުކާރުން ޒުވާނުންނަށް ވަރަށް ބޮޑަށް އިހުމާލުވެފައިވާ ކަމަށާއި، ގިނަ އަދަދެއްގެ ވަޒީފާތައްވެސް އުފެއްދިފައިނުވާ ކަމަށް ވިދާޅުވެފައެވެ. އެގޮތުން އެމަނިކުފާނުގެ ވެރިކަމުގެ ފަސް އަހަރުގެ ތެރޭގައި އެއްލައްކަހަތަރުހާހަށްވުރެ ގިނަ ވަޒީފާ އުފެއްދިއިރު، މި ސަރުކާރަށް ހަތަރު އަހަރުގެ ތެރޭގައި އުފެއްދުނީ އެންމެ ހަަތަރުހާސް ވަޒީފާ ކަަމަށް ވިދާޅުވިއެވެ.
ރައީސް ޔާމީންގެ ވާހަކަފުޅަށް ރައްދު ދެއްވައި އަމީރު ވިދާޅުވީ ފާއިތުވި ހަތަރު އަހަރު، ހަމައެކަނި އެމްޓީސީސީންވެސް 3973 ވަޒީފާ އުފައްދާފައިވާނެ ކަމަށެވެ.
އަދި އާރްޑީސީއާއި އެމްޓީސީސީން ފާއިތުވި ހަތަރު އަހަރުގެ ތެރޭގައި 5200 ވަޒީފާ އުފެއްދި ކަމަށް ވިދާޅުވިއެވެ.
ހަމައެކަނި @MTCCPlc އިން މި 4 އަހަރުތެރޭ މިހާތަނަށް 3973 ވަޒީފާވަނީ އުފައްދާފަ. @rdcmaldives އާއި އެމްޓީޓީސީ އެކަނިވެސް މި 4 އަހަރުތެރޭ ގާތްގަނޑަކަށް 5200 ވަޒީފާ އުފެދުނު. ދޮގާއި މަކަރު ހެދިޔަސް ހައްދެއް އޮންނަންވާނެ.
— Ibrahim Ameer (@iameeru) August 20, 2022
”ދޮގާއި މަކަރު ހެދިޔަސް ހައްދެއް އޮންނަންވާނެ.“ އަމީރު ވިދާޅުވިއެވެ.
ޢަމީރު!!!؟ ފާއިތުވި ހަތަރު އަހަރު، ހަމައެކަނި އެމްޓީސީސީން އުފެއްދި ވަޒީފާ ތަކުގަ އެ މަޤާމް ތަކާއި މީހުން ކޮއިތޯ؟ ޕްރޮޖެކްޓް ތަކަށް 1ނުވަތަ 6 މަސް ދުވަހަށް މީހަކަށް ވަޒީފާ ދިނުމަކީތޯ ތިބުނާ،އުފެއްދި ވަޒީފާޔަކީ؟؟؟؟؟؟!!!