މާލޭގައި މިނީ ބަހުގެ ހިދުމަތް ފެށުމަށްޓަކައި، މަޖީދީ މަގައި ޕާކު ނުކުރެވޭ ގޮތް ހަދާފައިވާއިރު، އިތުރު ޕާކިން ޒޯންތައް ހެދުމުގެ މަސައްކަތް، މާލެ ސިޓީ ކައުންސިލުން އަންނަނީ ކުރަމުންނެވެ.
މޭޔަރު ޑރ.މުހައްމަދު މުއިއްޒު މިއަދު ކުރެއްވި ޓްވީޓެއްގައި ވިދާޅުވެފައިވަނީ، ޕާކިން ޖާގަތައް ހެދުމަށް ސަރުކާރުން ހުއްދަ ދީފައިވާ ތަންތަނުގެ ތެރެއިން، ހ.މިމޯސާ ވިލާގެ ގޯތި ތެރޭގައި 69 ސައިކަލު ޒޯނު ކުރަހާ ނިންމާލާފައިވާ ކަމަށެވެ.
Minibus operation Majeedhee Magu gai huri parking jaaga thah nagaa eyge badhalugai gaaimkuran sarukaarun jaaga dhevvaa thanthanuge therein H. Mimosa villa ge goathi therey gai 69 Cycle zone kurahaa nimunee @MaleCitymv pic.twitter.com/WjFmTuPU3O
— Dr Mohamed Muizzu (@MMuizzu) September 12, 2022
މިނީ ބަހުގެ ހިދުމަތް ފެށުމާއެކު، މާފަންނު ސަހަރާ ހުންނަ ސަރަހައްދުގައި ޕާކިން ޒޯނެއް ހެދުމަށްވެސް ވަނީ ނިންމާފައެވެ.
މިނީ ބަހުގެ ހިދުމަތަށް ބައެއް މަގުތަކުގެ ޕާކިން ޒޯންތައް ނަގައި އެ ތަންތަނުގެ ބަދަލުގައި މިހާރު ޕާކިން ޒޯން ހަދަން ހަމަޖެއްސި ބިންތަކުގެ ތެރޭގައި ހިމެނެނީ ހ. މިމޯސާވިލާ ގޭގެ ބިމުން ތަންކޮޅަކާއި އެކުވެނި ޓްރެކް ކައިރިން ދެ ތަނަކާއި ދަރުބާރުގެ ކައިރިން ތަނަކާއި ރަސްފަންނު ކައިރީގައި އޮންނަ ކޮރަލް ބޮލެވާޑު ކައިރިން ތަންކޮޅެކެވެ.
