ކައުނުގައިވާ ދިރުންތައް ނައްތާލުމުގެ ކުރިން ދެވަނަ ވިސްނުމަކަށް ދިޔުމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ގޮވާލައްވައިފިއެވެ.
ރައީސް ނަޝީދުގެ ސޯޝަލް މީޑިއާ އެކައުންޓްތަކުން، މިރޭ އާންމު ކުރެއްވި ޕޯސްޓެއްގައި ވިދާޅުވެފައިވަނީ ތަރައްގީގެ މަސައްކަތްތައް ކުރިއަށް ގެންދާއިރު، ގުދުރަތީ ދިރުންތަކުގެ މަތިން ހަނދާން ކުރަންޖެހޭ ކަމަށެވެ.
”ގަސްގަހާގެހި. މަސްމަހާމެހި. ދޫނި ސޫފާ ސޫފި ފަދަ މި ކައުނުގައިވާ ދިރުންތައް ނައްތާލެއްވުމުގެ ކުރީން، ދެވަނަ ވިސްނުމެއް ނެރުއްވާ، އަނެއް ގޮތް ހޯއްދެވުމަށް.“ ރައީސް ނަޝީދު ލިޔުއްވާފައިވެއެވެ.
Alhugadu midhannavanee tharaqqeege masakkaiythah kuriah gendhavairu qudhrathee dhirunthakuge mathin handhumafulhu kurevvumah. Gas gahaa gehi, mas mahaa mehi. dhooni soofa soofi fadha mi kaunugava dhirunthah nahthaa levvumuge kurin dhevana visnumeh neruvva aneh goiy hoadhevumah
— Mohamed Nasheed (@MohamedNasheed) October 2, 2022
ބެލެވޭ ގޮތުގައި އެމަނިކުފާނު މިފަދަ ޕޯސްޓެއް ކުރައްވާފައި މިވަނީ، އަމީނީ މަގު ހެދުމަށް، އެމަގުގައި ހުރި ގަސްތައް ކަނޑާތީއެވެ. ރައީސް ނަޝީދު ވަނީ މި މައްސަލަ ކޯޓަށްވެސް ހުށަހަޅުއްވާފައެވެ.
ނަމަވެސް ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވެފައިވަނީ، އަމީނީ މަގުގައި ހުރި ގަސްތައް ނުކަނޑައި، އެމަގު ހެދެން ނެތް ކަމަށެވެ.
