ސްރީލަންކާ އަދި އެފްރިކާގެ ގައުމެއް ކަމުގައިވާ ގާނާ ފަދަ ގައުމުތަކަށް އެހީތެރިވެވަޑައިގެންނެވި ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވަމުން ގެންދަވާއިރު، ރާއްޖެއަށްވެސް އެހީ ހޯއްދަވައި ދެއްވުމަށް ނަޝީދުގެ އަރިހުން، މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފު(މަވޯޓާ) އެދިވަޑައިގެންފިއެވެ.
އޭނާ މިފަދައިން ވިދާޅުވެ، ރައީސް ނަޝީދުގެ ކިބައިން މި އިލްތިމާސް ކުރެއްވީ ރާއްޖެ ބަނގުރޫޓުވާން އުޅޭ ކަމަށް ރައީސް ނަޝީދު ވިދާޅުވެފައިވާތީ ކަމަށް ބެލެވެއެވެ.
ރައީސް ނަޝީދު ޓެގް ކުރައްވައި މަވޯޓާ ވިދާޅުވީ ލަންކާ ފަދަ ގައުމުތަކަށް އެހީތެރިވެވަޑައިގަންނަވާ ކަަމަށް ރައީސް ނަޝީދު އަބަދުވެސް ވިދާޅުވަމުން ގެންދަވާއިރު، ރާއްޖެއަށްވެސް މިލިއަނުން، ބިލިއަނުން އެހީ ވެދެއްވަންވީ ކަމުގައެވެ.
Sri Lanka adhi Ghana fadha gaumu thakah gina guna ehee hoadhavaa dhevvaa kamah eba vidhaalhu vamu. Ehen vejjeyaa Raajje ah ves millionun billionun hoahdhavaa dhevvan vee noon thoa? @MohamedNasheed
— Ibrahim Shareef (@AdduShareef) November 21, 2022
ލަންކާއަށް ބައިނަލްއަގްވާމީ އެހީ ހޯދުމުގައި އިސްކޮށް ހަރަކާތްތެރިވުމުގެ ފުރުސަތު އެ ގައުމުގެ ބޮޑުވަޒީރު ރަނިލް ވިކްރަމަސިންހައާ ވަނީ ނަޝީދަށް ދެއްވަވައިފައެވެ. އެއީ ނަޝީދު އެގޮތަށް ހުށަހެޅުއްވުމުންނެވެ.