މާލެ ސިޓީގެ އެއްވެސް ކައުންސިލަކުން، ރައްޔިތުންނާ މަޝްވަރާ ނުކުރާ ވަރަށް ސިޓީ ކައުންސިލުގެ މި ދައުރުގައި ރައްޔިތުންނާ މަޝްވަރާ ކުރެވިފައިވާ ކަަމަށް މާލޭގެ މޭޔަރު ޑރ.މުހައްމަދު މުއިއްޒު ވިދާޅުވެއްޖެއެވެ.
މޭޔަރު މިހެން ވިދާޅުވެފައިވަނީ ސަންގު ޓީވީން ގެނެސްދިން ”ޚަބަރަށްފަހު“ ޕްރޮގްރާމްގައި ވާހަކަ ދައްކަވަމުންނެވެ.
އޭނާ ވިދާޅުވީ މާލެ ސިޓީ ކައުންސިލުން، ރައްޔިތުންނާ މަޝްވަރާ ކުރުމުގެ ގޮތުން ރައްޔިތުންގެ ބައްދަލުވުންތަކާއި، އަވަށު ބައްދަލުވުންތަކުގެ އިތުރުން މުޅި މާލޭގެ ރަައްޔިތުންނާއެކުވެސް ބައްދަލުވުންތައް ބާއްވާފައިވާނެ ކަމަށެވެ.
”ވިލިމާލެއަށް ބަަލައިފިއްޔާމ ވިލިމާލޭގައި ތިން ބައްދަލުުވުން ބާއްވައިފިން. އެހެންވީމަ، ރައްޔިތުންނާ ވަރަށް ގާތުން އެބަ މަސައްކަތް ކުރެވޭ. ގޭގެއަށްވެސް އެބަދަން. އަދި ވަކިން އިންޑިވިޖުއަލް އެޕޮއިންޓްމަންޓް އެބަދެން. ކޮންމެ ދުވަހަކު، ދެގަޑިއިރު، ތިން ގަޑިއިރު އެބަ ބައްދަލު ކުރަން.“ މޭޔަރު ވިދާޅުވިއެވެ.
މީގެއިތުރުން މުއިއްޒު ވިދާޅުވީ ދަތި ތަކާއި އެކުވެސް މާލޭގެ ރައްޔިތުންގެ އަމާޒުތައް ބޭނުން ދިމާލަށް ގެންދިއުމުގައި މާލެ ސިޓީ ކައުންސިލް ގެ ހަތަރުވަނަ ދައުރުގައި މަސައްކަތް ކުރަމުން ގެންދާނެ ކަމަށެވެ.
