ރާއްޖޭގައި އަނިޔާވެރިކަމާއެކު މީހުން މެރުމުގެ މައްސަލަތައް އިންތިހާއަށް އިތުރުވަމުން އަންނާތީ، ކުރީގެ ނައިބު ރައީީސް ޑރ.މުހައްމަދު ޖަމީލު އަހުމަދު ސަރުކާރަށް ފާޑުވިދާޅުވެއްޖެއެވެ.
އެމަނިކުފާނު ކުރެއްވި ޓްވީޓެއްގައި ވިދާޅުވީ، މަރުގެ މައްސަލަތައް އިތުރުވެގެން ދިޔުމުގެ ޒިންމާ، ރައީީސް އިބްރާހީމް މުހައްމަދު ސޯލިހާއި، ހޯމް މިނިސްޓަރު އިމްރާން ނަންގަވަން ޖެހިވަޑައިގަންނަވާނެ ކަމަށެވެ.
މިސަރުކާރުން ދެއްކިހާ ވާހަކަތައް ކޮބާ؟ ކުރީ ސަރުކާރު ބަދުނާމްކޮށް މިހާރުގެ ފުލުހުންގެ ވަޒީރު ދޮގުހެދީ ސިޔާސީ ފައިދާ ނެގުމުގެ ގޮތުން. މީހުން މެރުން އާންކަމަކަށް މިވީ ގިސާސް ނުހިފާނެކަމަށް އިބޫ އާއި އިމްރާން ބުނި ހިސާބުން. ޒިއްމާ ނަގަންޖެހެނީ މިދެބޭފުޅުން. https://t.co/ABDaQBWCD8
— Mohamed Jameel Ahmed (@MJameelAhmed) June 1, 2023
ޖަމީލު މިފަދައިން ވިދާޅުވެފައިވާއިރު، އިއްޔެ އައްޑޫ ސިޓީގައި ހިންގި މާރާމާރީއެއްގައި، އުމުރުން 27 އަހަރުގެ ފިރިހެނަކު ވަނީ މަރާލާފައެވެ.
މި މައްސަލައާ ގުޅިގެން، މަރުވި މީހާގެ އުމުރުން 25 އަހަރުގެ ކޮއްކޮ ވަނީ ހައްޔަރު ކޮށްފައެވެ.