މާލޭގައި ހުންނަ ރެސްޓޯރެންޓެއްގައި ގޭސް ފުޅިއެއް ގޮވައި ތިން މީހަކަށް އެކިވަރުގެ އަނިޔާ ލިބިއްޖެއެވެ.

މި ހާދިސާ ހިނގައިފައި ވަނީ ކިނބިގަސް މަގުގައި ހުންނަ އެންޖީބީ ކެފޭގައެވެ.

މަޢުލޫމާތު ލިބިފައިވާ ގޮތުގައި، މި ހާދިސާގައި ތިން މީހަކަށް އެކިވަރުގެ އަނިޔާ ލިބުނުއިރު، އެ ރެސްޓޯރެންޓުގެ ސްރީ ލަންކާގެ ޝެފަކަށް ވަރަށް ބޮޑަށް އަނިޔާވިއެވެ.
ނަމަވެސް ތިން މީހުން ވެސް ހޮސްޕިޓަލަށް ގެންގޮސްފައިވާ ކަމަށް އެމްއެންޑީއެފުން ބުނެއެވެ. ހާދިސާ ހިނގަން މެދުވެރިވި ސަބަބެއް މިހައިތަނަށް އެނގިފައިނުވެއެވެ.

ފަހަކަށް އައިސް ގޭސްފުޅި ގޮވުމުގެ މިފަދަ ހާދިސާތައް ހިނގުން އަންނަނީ އިތުރުވަމުންނެވެ.