ރައްޔިތުންގެ މަޖިލިސް އިންތިޚާބު ބޭއްވުން ލަސްކުރާނަމަ އިތުރު ޚަރަދުތަކެއް ހިނގާނެ ކަމަށް އިލެކްޝަންސް ކޮމިޝަން(އީސީ)ގެ ނާއިބުރައީސް އިސްމާއިލް ހަބީބް ވިދާޅުވެއްޖެއެވެ.

މަޖިލިސް އިންތިޚާބަށް ކަނޑައަޅާފައިވަނީ 60 މިލިއަން ރުފިޔާގެ ބަޖެޓެކެވެ.

އިންތިޚާބު ފަސްކުރުމާމެދު ގޮތެއް ނިންމުމަށް މަޖިލީހަށް ހުށަހަޅާފައިވާއިރު މަޖިލީހުގެ ޖަލްސާއެއް ވީއެންމެ އަވަހަކަށް ބާއްވާނެކަމަށް މަޖިލީހުގެ މެޖޯރިޓީ އޮންނަ އެމްޑީޕީއިން ވަނީ ބުނެފައެވެ.

އަދި އިންތިޚާބު ލަސްކުރުމަށް ވެރިކަންކުރާ ޕީއެންސީ ޕީޕީއެމް ކޯލިޝަން އަދި ދަ ޑިމޮކްރެޓްސް އިންވެސް ތާއިދުކުރާކަން ވަނީ ހާމަކޮށްފައެވެ.