އަންނަ އަހަރު ބާއްވާ ރިޔާސީ އިންތިހާބުގެ ވޯޓު ކަރުދާސްކޮޅުގައި ރައީސް މުހައްމަދު ނަޝީދުގެ ނަން އޮންނަން ޖެހޭ ކަމަށް ރައްޔިތުންގެ މަޖިލީހުގެ މާފަންނު މެދު ދާއިރާގެ މެމްބަރު އިބްރާހީމް ރަޝީދު (ބޮންޑެ) ވިދާޅުވެއްޖެއެވެ.
އޭނާ މިހެން ވިދާޅުވީ ކްލަބް ހައުސްގެ ސެޝަންއެއްގައި ބައިވެރިވެވަޑައިގެން ދެއްކެވި ވާހަކައިގައެވެ. ބޮންޑެ ވިދާޅުވީ ވޯޓު ކަރުދާސްކޮޅުގައި ރައީސް ނަޝީދުގެ ނަން އޮތުން، ދިވެހި ރަައްޔިތުން އެދޭ ކަަމަށެވެ.
ބޮންޑެ އަކީ އެމްޑީޕީގައި އުފެދިފައިވާ ދެ ފެކްޝަނުގެ ތެރެއިން، ރައީސް ނަޝީދުގެ ފެކްޝަނަށް ނިސްބަތްވެވަޑައިގަންނަވާ ބޭފުޅެކެވެ.
ރައީސް ނަޝީދުގެ ނަން ވޯޓު ކަރުދާސްކޮޅުގައި އޮންނަން ޖެހޭ ކަމަށް އޭނާ ވިދާޅުވިއިރު، އަންނަ އަހަރު ބާއްވާ ރިޔާސީ އިންތިހާބުގައި، ވެރިކަމުގެ ދެވަނަ ދައުރަކަށް ވާދަކުރެއްވުމުގެ ޝައުގުވެރިކަން ރައީސް އިބްރާހީމް މުހައްމަަދު ސޯލިހު ވަނީ ފާޅު ކުރައްވައިފައެވެ.
މިކަމާ ގުޅިގެން ނަޝީދު ފެކްޝަނުގެ ބޭފުޅުން ދަނީ ރައީސް ސޯލިހަށް ފާޑު ވިދާޅުވަމުންނެވެ.
ޜައްޔިތުން ނެއް ނޫން ޜައްޔިތުންގެ ކޮންމެވެސް ބަޔަކު އޭނާގެ ނަންއޮތުމަށް ވެސް އެދޭނެ. އެއިގެ ތެރެއިން އެކަކު ތިޔައީ. ކުރިން އޮތް ތާއީދެއް މިހާރަކު ނެތް. ކުރީގަ އެމްޑީޕީގެެ ހުރިހާ މެމް ބަރުން ވެސް އެދޭނެ .