މަޖިލިސް މެންބަރުންތަކެއް ޕާޓީން ވަކިވެވަޑައިގަތުމަކީ އެމްޑީޕީ އަށް ހުރި ފިލާވަޅެއް ކަމަށް ޝެއިޚް ޢަލީ ޒައީދު ވިދާޅުވެއްޖެއެވެ.
ސަރުކާރު ހިންގާ މައި ޕާޓީ، ޕީއެންސީއާ އެމްޑީޕީގެ 13 މަޖިލިސް މެމްބަރަކު ރޭ ގުޅިވަޑައިގަތުމާ ގުޅިގެން ސޯޝަލް މީޑިއާގައި ޒައިދު ކުރެއްވޮ ޕޯސްޓެއްގައި ވިދާޅުވީ މިކަމުން ދައްކުވައި ދެނީ ބަޔަކަށް ގެއްލުމެއް ދޭން އުޅޭ ނަމަ އެކަމެއްގެ ގެއްލުން، އެ ބަޔަކާ ކުތިމަލާން ޖެހިދާނެކަން ކަމަށެވެ.
އެގޮތުން އެމްޑީޕީއަށް މަޖިލިސް މެންބަރުންތަކެއް ގެއްލުނު ސަބަބުތަކުގެ ތެރޭގައި މިހާރުގެ ރައީސް ޑރ. މުޙައްމަދު މުޢިއްޒު މަޤުބޫލު އުޒުރެއް ނެތި މަޤާމުން އަޒުލުކުރަން ވޯޓެއް ނަގަން އުޅުމަކީ އެ ޕާޓީން ފަހަތަށް އެޅި ފިޔަވަޅެއް ކަމަށް ޒައިދު ވިދާޅުވިއެވެ.
އޭގެ ރިއެކްޝަން މި ފެނުނީ އެ ޕާޓީގެ ތެރެއިން ކަމަށް ވެސް، މި ސަރުކާރަށް ތާއީދު ކުރައްވާ ޒައިދު ވިދާޅުވިއެވެ.
”އަބަދު ވެސް ވިސްނަވާ، ނުހައްގުން މީހަކަށް ގެއްލުމެއް ދޭން މަސައްކަތްކޮށްފި ނަމަ އޭގެ ކޮންސީކްއެންސްތަކާ [ގެއްލުންތަކާ] ކުރިމަތިލާން ޖެހިދާނެ.“ އޭނާ ވިދާޅުވިއެވެ.
Mee MDP ah huri filaavalheh!
Maqbool uzureh nethi, jessumah RJ ge Ithubaaru neh kamuge vote nagan ulhumakee MDP in fahathah elhi fiyavalheh! Eyge reaction mifenuny e party therein!
Abadhuves visnavaa! Nuhaggun meehakah gellumeh dheyn masahkai kohfinama, eyge consequences thakaa…
— Ali Zaid (@alizaid1000) December 28, 2023
ރޭ ޕީއެންސީއަށް ސޮއިކުރެއްވި އެމްޑީޕީގެ 13 މެމްބަރުންނަކީ މަރަދޫ ދާއިރާގެ މެމްބަރު އިބްރާހީމް ޝަރީފާއި، ފޭދޫ ދާއިރާގެ މެމްބަރު އިބްރާހީމް ނިހާދާއި، މައްޗަންގޮޅި ދެކުނު ދާއިރާގެ މެމްބަރު އަޙްމަދު ހައިތަމްއާއި، އިސްދޫ ދާއިރާގެ މެމްބަރު ޢަލީ ހަމީދާއި، ކަނޑިތީމު ދާއިރާގެ މެމްބަރު ޝަހީމް އާއި، ކުރެންދޫ ދާއިރާގެ މެމްބަރު ޙަކީމާއި، މަތިވެރި ދާއިރާގެ މެމްބަރު ޙަސަން ޒަރީރާއި، މުލަކު ދާއިރާގެ މެމްބަރު އިބްރާހިމް ނަސީރާއި، ނިލަންދޫ ދާއިރާގެ މެމްބަރު ޢަބްދުލް މުހުސިން ހަމީދު (ޖޭފޯ)އާއި، ފަންނު ދެކުނު ދާއިރާގެ މެމްބަރު އާދަމް ޢަލީ އާއި ކޮމަންޑޫ ދާއިރާގެ މެމްބަރު މުޙައްމަދު ރާޝިދާއި، ތޮއްޑޫ ދާއިރާގެ މެމްބަރު ހަސަން ޝިޔާންއާއި، ގުރައިދޫ ދާއިރާގެ މެމްބަރު ޝާޒްއެވެ.
