އިސްލާމީ މަރުކަޒަށް ހުކުރަށް ގޮސް ތިބޭ ފަރާތްތަކަށް، ހުކުރު ޚުޠުބާ ވިދާޅުވާ މީހާ ފެންނާނެހެން އެ މިސްކިތުގެ ފަންގިފިލާތަކުގައި ޓީވީ ބަހައްޓައިފިއެވެ.
އިސްލާމީ މަރުކަޒަށް ހުކުރަށް ދާ ފަރާތްތަކަށް ޚަތީބު ފެންނާނެހެން މިސްކިތުގެ ފަންގިފިލާތަކުގައި ޓީވީ ބެހެއްޓުމަށް ނިންމާފައިވާކަން އިސްލާމިކް މިނިސްޓަރު، ޑރ.މުޙައްމަދު ޝަހީމް ޢަލީ ސަޢީދު ހާމަކުރެއްވީ މީގެ ހަފްތާއެއް ކުރިންނެވެ.
މިކަން ހާމަކުރެއްވިތާ ހަފްތާއެއްގެ ތެރޭގައި، އިއްޔެ ވަނީ އިސްލާމި މަރުކަޒުގެ އެކި ފަންގިފިލާ ތަކުގައި ޓީވީ ހަރުކޮށް ޚަތީބު ފެންނާނެ ގޮތް ހައްދަވައިފައެވެ.
މިކަމާ ގުޅޭ ގޮތުން މިނިސްޓަރު ޑރ.ޝަހީމް ވިދާޅުވީ ފޯރުކޮށްދިނުމުގައި ޒަމާނީ ވަސީލަތްތަކާއި ޓެކްނޮލޮޖީގެ ބޭނުންކުރުމަކީ ރައީސް މުޙައްމަދު މުޢިއްޒުގެ ތަސުއްވުރުގައި ހިމެނޭ ކަމެއް ކަމަށެވެ.
އެގޮތުން އިސްލާމިކް މިނިސްޓްރީން މަސައްކަތްކުރާނީ އެ ތަޞައްވުރު ހަޤީޤަތަކަށް ހެދުމަށް ކަމަށާއި، ހުރިހައި ބޮޑެތި މިސްކިތްތަކުގައި މިގޮތަށް އިންތިޒާމު ހަމަޖެއްސުމަކީ ސަރުކާރުގެ އަމާޒެއް ކަމުގައި މިނިސްޓަރު ވަނީ ވިދާޅުވެފައެވެ.
