މި މަހުގެ ތެރޭގައި ލޯންޗްކުރަން ނިންމާފައިވާ ދީނީ ޗެނެލަށް ކިޔާނީ ”ނޫރު ޓީވީ“ ކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމު ޢަލީ ސަޢީދު ވިދާޅުވެއްޖެއެވެ.
Ads by Asuru
ޗެނަލަށް ކިޔާނެ ނަމެއް ކަނޑައަޅައި އެކަން މިނިސްޓަރު އިޢުލާނު ކުރެއްވީ ސޯޝަލް މީޑިއާގައި ކުރެއްވި ޕޯސްޓެއްގައެވެ.
އިސްލާމިކް މިނިސްޓްރީން ބުނީ ޗެނެލް މި މަހުގެ 25 ގައި ލޯންޗްކުރާނެ ކަމަށެވެ. މިއީ ދީނީ މަޢުލޫމާތު ފަތުރައި، ދީނީ ކަންކަމަށް ހޭލުންތެރިކަން އުފެއްދުމުގެ މަގުސަދުގައި ސަރުކާރުން އުފައްދާ ޓީވީ ޗެނެލެކެވެ.
ރާއްޖޭގައި މިހާރު ހިންގާ ދީނީ ޓީވީ ޗެނެލްތަކުގެ ތެރޭގައި ”ދާރިސް ޓީވީ“ އާއި ”އަލް ކައުނު“ ހިމެނެއެވެ.
