ފުވައްމުލަކު ސިޓީގައި ބާރަށް ދުއްވާފައި ދިޔަ ސައިކަލެއް ކޮންޓްރޯލް ނުވެ ގޮސް ފާރެއްގައި ޖެހި މީހަކަށް ބޮޑެތި އަނިޔާތަކެއް ލިބިއްޖެއެވެ.
Ads by Asuru
ފުވައްމުލަކު ބޮޑުފަންނު މަގުގައި ރޭ 10:10 ހާއިރު، ހިނގި މިއެކްސިޑެންޓްގައި އަނިޔާވީ އުމުރުން 30 އަހަރުގެ ދިވެހި ފިރިހެނެކެވެ.
އެނގިފައިވާ ގޮތުގައި އެ މީހާގެ މޫނާއި ދެ އަތާއި ދެ ފަޔަށްވެސް އެކިވަރުގެ އަނިޔާ ލިބިފައިވެއެވެ.
ލިބުނު އަނިޔާތަކަށް ފަރުވާ ދިނުމަށް އޭނާ ފުރަތަމަ ގެންދިޔައީ ފުވައްމުލަކު ހޮސްޕިޓަލަށެވެ.
ނަމަވެސް އިތުރު ފަރުވާއަށް ރޭގެ ވަގުތެއްގައި ވަނީ މާލެ ގެނެސްފައެވެ. އަނިޔާވި މީހާ މާލެ ގެނެސްފައިވަނީ ޤައުމީ އެއާލައިން މޯލްޑިވިއަންގެ ފްލައިޓެއް ޗާޓަރުކޮށްގެންނެވެ.
