ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު، ރާއްޖޭގެ ތަރައްޤީއަށް ކުރައްވަމުން ގެންދަވާ މަސައްކަތްޕުޅުތަކާއިއެކު، ރާއްޖޭގެ އެކި ހިސާބުތަކުން ލަސްތަކެއް ނުވެ ދުބާއީގެ މަންޒަރުތައް ފެންނަން ފަށާނެ ކަމަށް ސިޓީސް، ލޯކަލް ގަވަރުމެންޓް އެންޑް ޕަބްލިކް ވޯކްސް މިނިސްޓަރު އާދަމް ޝަރީފު އުމަރު ވިދާޅުވެއްޖެއެވެ.

Ads by Asuru

ތ.ވޭމަންޑޫގައި މިހާރު ކުރިއަށްދާ ޖަލްސާގައި ވާހަކަ ދައްކަވަމުން މިނިސްޓަރު ވިދާޅުވީ، ސަރުކާރުގައި ޚިދުމަތް ކުރައްވާތާ 43 އަހަރު ވެފައިވާއިރު، ރައްޔިތުން އެދޭ ފަދަ ހަރުދަނާ ތަޞައްވަރެއް ފެނިގެންދަނީ މި ސަރުކާރުގައި ކަމަށެވެ.

”އެމަނިކުފާނުގެ ތަޞައްވުރުގައި، އެމަނިކުފާނުގެ އެކި ބައްދަލުވުންތަކުން ލިބޭ މަޢުލޫމާތަށް ބަލާއިރު، އަޅުގަނޑު ދަންނަވާނީ، އަޅުގަނޑުމެންގެ ރާއްޖޭގެ އެކި ހިސާބުތަކުން ލަސްތަކެއް ނުވެ، ދުބާއީގެ މަންޒަރުތައް ފެންނަން ފަށާނޭ.“ މިނިސްޓަރު ވިދާޅުވެއްޖެއެވެ.

ރައީސް މުޢިއްޒު ތަރައްޤީގެ ބޮޑެތި މަޝްރޫޢުތަކެއް ހިންގަވަން ރާއްވަވާފައިވާއިރު، އެކަންކަމަށް މަގުފަހި ކޮށްދިނުމަށްޓަކައި އެމަނިކުފާނުގެ ސަރުކާރަށް ރައްޔިތުންގެ މަޖިލީހުގެ ސުޕަރމެޖޯރިޓީ ދިނުމަކީ ރައްޔިތުންނަށް ކޮށްދެވޭނެ ވަރަށް ބޮޑު ޚިދުމަތެއް ކަމަށް މިނިސްޓަރު ވިދާޅުވިއެވެ.

”ބޮޑެތި މަޝްރޫޢުތައް ކުރިއަށް ގެންދިޔުމުގައި ރައްޔިތުންގެ މަޖިލީހުގެ ފުރިހަމަ ތާއީދު ނެތި، ދިމާވާނެ ގޮންޖެހުންތަކުގެ ސަބަބުން ފަހަރެއްގާ، ރައީސުލްޖުމްހޫރިއްޔާ އެންމެ ބޭނުންފުޅުވި ހިސާބަށް ބައެއް މަޝްރޫޢުތައް ނުގެންދެވުމަކީ އެކަށީގެންވާ ކަމެއް. އެހެންނަމަވެސް ޤަބޫލު ކުރައްވާ، އޭގެ ޙަޤީޤީ ގެއްލުން އެންމެ ފަހުން ފޯރާ ބަޔަކީ ދިވެހި ރައްޔިތުން.“ މިނިސްޓަރު ވިދާޅުވިއެވެ.

މިނިސްޓަރު އިތުރަށް ވިދާޅުވީ ޕީޕީއެމްގެ ކުރީ ސަރުކާރުން ސިނަމާލެ ބްރިޖު އަޅަން މަސައްކަތް ކުރުމުން، އޭރުގެ އިދިކޮޅު ފަރާތްތަކުން އެކަމާ ވެސް ސުވާލު އުފެއްދި ގޮތަށް، މާލެ އާއި ރަސްމާލެ ކަނޑު އަޑީގައި އަޅާ ޓަނަލަކުން ގުޅުވައިލެވޭނެ ކަމާއިމެދުގައި ވެސް ސުވާލު އުފައްދަމުން އަންނަ ކަމަށެވެ. މިނިސްޓަރު އިތުރަށް ވިދާޅުވީ، ރައީީސް މުޢިއްޒު އެކަން ހިއްސާ ކުރެއްވީ، އެމަނިކުފާނުގެ އިންޖިނިއަރިންގެ ތަޖުރިބާއާއިއެކުގައި އެއީ ކުރެވޭނެ ކަމެއް ކަމުގައި ވާތީ ކަމަށެވެ.

 

ު