މާލޭ ސިޓީ ކައުންސިލާއި އެގްރިކަލްޗާ އެންޑް އެނިމަލް ވެލްފެއާ މިނިސްޓްރީން ގުޅިގެން ހުޅުމާލޭގައި ގާއިމްކުރާ ވަގުތީ ކެޓް ޝެލްޓަރަށް ބޭނުންވާ ބިން މިއަދު ސިޓީ ކައުންސިލާ ހަވާލުކޮށްފިއެވެ.
ބިން ކައުންސިލާ ހަވާލުކުރީ އެނިމަލް އެންޑް ވެލަފެއާ މިނިސްޓްރީންނެވެ.
ހުޅުމާލޭގައި ކެޓް ޝެލްޓަރު ޤާއިމު ކުރުމަށް، ފުރަތަމަ ފިޔަވަހީގައި 5000 އަކަފޫޓުގެ ބިމެއް ދީފައިވާއިރު، މުޅި މަޝްރޫޢުއަށް 18،000 އަކަފޫޓުގެ ބިން ސިޓީ ކައުންސިލަށް ދޭނެއެވެ.
ފަސްހާސް އަކަފޫޓުގެ ބިމުގައި ކެޓް ޝެލްޓަރު ޤާއިމު ކުރެވުމުން މާލޭގައި އުޅޭ ބުޅާތައް ގެންގޮސް އެ ތަކެއްޗަށް ފަރުވާ ދެވޭނެ އިންތިޒާމު ޤާއިމުކުރާނެއެވެ. އެގޮތުން ކެޓް ކެފޭއަކާއި ޝޮޕަކާއި، ވެޓް ކްލިނިކެއްގެ އިތުރުން ކެޓް ކެފޭއެއް ޤާއިމު ކުރާނެއެވެ.
ވަގުތީ ކެޓް ޝެލްޓަރު އަޅަން މިނިސްޓްރީއާއި ކައުންސިލުން ސޮއި ކުރީ މިދިޔަ މަހުގެ 25ވަނަ ދުވަހުއެވެ.
ބުޅާ މަދުކުރާކަށް ނުވިސްނަން ދޯ! އަތާއި އަނގަ ދިމާނުވާ ރައްޔިތު މީހުން ތިބި އިރު އިތުރު ޚަރަދު ކޮށްގެން މިބައިވަރު ތަކެއް އާލާ ކުރަން ވިސްނައިގެން މިތިބީ! އާޒިމް އަށް ދެވުނު ވޯޓުގެ ބަދު ނަސީބު ކަމާއިއެވެ.
މިއީ ދުވަހަކުވެސް މިއޮތްހާ ޒަމާންވެގެން ދިޔައިރުވެސް ކުރިކަމެއްނޫން. މިއީ ބަޔަކު އާމްދަނީ ހޯދުމުގެ ބޭނުމުގައި ކުރަމުންދާކަމެއް. މީގެ ޖަމިއްޔާ ހަދައިގެން ޖަނަވާރު ހިމާޔަތްކުރާ ނަމުގައި ކުރާ ބޮޑުވިޔަފާރިއެއް. އެއްބަޔަކު މީގެ ކާނާ އެތެރެކުރަނީ، އަނެއްބަޔަކު މީގެ ކްލިނިކް ހިންގަނީ. މީއީ ދުނިޔޭގެ ބޮޑެތި ގައުމުތަކުގައި ޖަންގަލި ބަލަހައްޓާ ފަރާތްތަކުން ކުރާކަމެއް. ބުޅާއެކަންޏެއްނޫން ބަލަހައްޓަންވީ، ކުއްތާވެސް، ރާމާމަކުނުވެސް ގެންނަންވީ