މި އަހަރުގެ ރަމަޟާންމަހުގެ ޢުމްރާއަށް ދާ މީހުން، ރަމަޟާން މަސް ފެށުމުގެ ކުރިން ވެކްސިންޖަހައި ނިންމުމަށް ދަމަނަވެށިން އެދިއްޖެއެވެ.
Ads by Asuru
ދަމަނަވެށިން މިއަދު ބުނީ ރާއްޖެއިން ބޭރަށް އެކި ބޭނުންތަކުގައި ފުރާވަޑައިގަންނަވާ ބޭފުޅުން ޖަހަންޖެހޭ ވެކްސިންތަކުގެ ތެރޭގައި ހިމެނޭ ޕޯލިއޯ ވެކްސިންއަކީ އަނގައަށް ދޭންޖެހޭ ވެކްސިންއެއް ކަމަށްވާތީ މިއީ ރޯދަމަހު ދުވާލުގަޑީގައި ދެވޭނެ ވެކްސިންއެއް ނޫން ކަމަށެވެ.
އެހެންކަމުން ރަމަޟާންމަހުގެ ޢުމްރާ އަދި އެހެނިހެން ބޭނުންތަކުގައި ވަޑައިގަންނަވާ ފަރާތްތަކުގެ ތެރެއިން މި ވެކްސިން ނަންގަވަން ޖެހޭ ފަރާތްތަކުން މާޗު 10ގެ ކުރިން ވެކްސިންޖަހައި ނިންމެވުމަށް ސަމާލުކަން ދެއްވުމަަށް ވަނީ އެދިފައެވެ.
އެއްވެސް ސަބަބަކާއިހުރެ މާޗް 10ގެ ކުރިން ޕޯލިއޯ ވެކްސިން ނުޖެހޭ ފަރާތްތަކަށް ރަމަޟާންމަހުގެ ރޭތަކުގެ ތެރެއިން ދަމަނަވެށިން ޚިދުމަތް ދިނުމަށް ކަނޑައަޅާ ގަޑިތަކުގައި ވެކްސިންޖެހޭނެ އިންތިޒާމު ހަމަޖައްސައިދެވޭނެ ކަމަށް ވެސް ދަމަނަވެށިން ބުންޏެވެ.
