ކ.ގުޅިފަޅު ހިއްކުން ވަގުތީ ގޮތުން ހުއްޓާލަން ހައި ކޯޓުން ނެރުނު ވަގުތީ އަމުރަށް ޢަމަލު ކުރުން ފަސްކުރުމަށް ސުޕްރީމް ކޯޓުން އަމުރެއް ނެރެފިއެވެ.
ގުޅިފަޅު ހިއްކުން ވަގުތީ ގޮތުން ހުއްޓައިލަން ހައިކޯޓުން އަމުރު ނެރުނީ އިއްޔެއެވެ.
ސުޕްރީމް ކޯޓުގެ އަމުރުގައި މިއަދު ބުނީ، ހ. ޝޭޑީކޯނަރު ހުމައުދާ އަބްދުލްޣަފޫރުގެ ފަރާތުން ސިވިލް ކޯޓަށް ހުށަހެޅި މައްސަލައިގައި އެ ކޯޓުން ވަގުތީ އަމުރެއް ނުދިނުމުން އޭނާގެ ފަރާތުން އެމައްސަލަ ހައިކޯޓުގައި އިސްތިއުނާފު ކުރުމާއެކު އެ ކޯޓުން ވަގުތީ އަމުރެއް ނެރެފައި ވާ ކަމަށެވެ.
ހައިކޯޓުގެ އަމުރުގައި އެ ކޯޓުން ފައިސަލާ ކުރަނިވި ޙުކުމެއް ކުރަން ދެން، ގުޅިފަޅު ޕޯޓް ޑިވެލޮޕްމަންޓް މަޝްރޫގެ ބިން ހިއްކުމާ ގުޅޭ އެންމެހައި މަސައްކަތް ވަގުތީ ގޮތުން ހުއްޓާލުމަށް އަމުރު ކުރިއެވެ. އެ އަމުރު ރައްދުވާ ފަރާތްތަކުގެ ގޮތުގައި ހިމަނާފައި އޮތީ، ކޮންސްޓްރަކްޝަން މިނިސްޓްރީ އާއި އެންވާރަމަންޓް މިނިސްޓްރީއެވެ.
ދައުލަތުގެ ފަރާތުން ސްޕްރީމް ކޯޓުގައި ހައި ކޯޓުގެ ނިންމުން އިސްތިއުނާފު ކުރުމުން، އެ ކޯޓުން ގޮތެއް ކަނޑައަޅަންދެން ހައިކޯޓުގެ އަމުރާ ގުޅިގެން އެއްވެސް ފަރާތަކުން އެއްވެސް ފިޔަވަޅެއް ނޭޅުމަށް ވަނީ އަމުރު ކޮށްފައެވެ.
ސުޕްރީމް ކޯޓުގެ އަމުރުގައި އިތުރަށް ބުނެފައި ވަނީ، ހައިކޯޓުގެ އަމުރާ ގުޅިގެން ހުކުމް ތަންފީޒު ކުރުން ފަސްނުކޮށްފި ނަމަ އޭގެ ސަބަބުން ދައުލަތަށް ލިބޭނެ ގެއްލުން އިންތިހާއަށް ބޮޑުވެގެން ދިޔުމުގެ އިހުތިމާލު ފާޅުކަން ބޮޑުކޮށް ފެންނަ ކަމަށެވެ. އެހެން ކަމުން ވަކިގޮތަކަށް އަމަލު ކުރަން ސްޕްރީމް ކޯޓުން އަންގަންދެން ނުވަތަ އެ ކޯޓުން ގޮތެއް ކަނޑައަޅަން ދެން ހައިކޯޓުގެ އަމުރު ހިފަހައްޓާ ކަމަށެވެ. ނުވަތަ ތަންފީޒު ކުރުން ހުއްޓުވާ ކަމަށެވެ.
(ތަފްޞީލު އަންނަނީ….)
