ރޯދަ މަސް ފެށުމުގެ ކުރިން، ޤާނޫނުގައިވާ ގޮތުގެ މަތިން މުވައްޒަފުން ގޮތުގައި ގެންގުޅޭ ދިވެހީންނަށް ރޯދަ މަހުގެ އިނާޔާތް ދިނުމަށް ލޭބަރ ރިލޭޝަންސް އޮތޯރިޓީން އިލްތިމާސް ކޮށްފިއެވެ.
މިކަމަށް އިލްތިމާސް ކުރީ، އެ އޮތޯރިޓީން ކުރި އިޢުލާނެއްގައެވެ.
އެ އިޢުލާުގައިވާ ގޮތުން، ޤާނޫނު ނަންބަރު 2/2008، ވަޒީފާ އާ ބެހޭ ގާނޫނުގެ 51 ވަނަ މާއްދާގެ (ހ) ގައި ބަޔާންކޮށްފައިވާ ގޮތުގެ މަތިން ވަޒީފާ އަދާ ކުރާ ކޮންމެ ދިވެހި މުވައްޒަފަކަށް ރޯދަމަހުގެ އިނާޔާތުގެ ގޮތުގައި ރޯދަ މަސް ފެށުމުގެ ކުރިން 3000 ރުފިޔާ ދޭން ވާނެ ކަމަށެވެ.
ނަމަވެސް ބައެއް ފަރާތްތަކުން ރޯދަ މަހުގެ އިނާޔާތް ދިން ކަމުގައި ވިޔަސް ވަޒީފާއާ ބެހޭ ޤާނޫނުގައި ބަޔާން ކޮށްފައިވާ މިންވަރަށް އެ އިނާޔަތް ދެމުން ނުދާކަން ފާހަގަވެފައިވާ ކަމަށް އެ އޮތޯރިޓީން ބުނެއެވެ.
އެހެންކަމުން ވަޒީފާގައި ގެންގުޅޭ އެންމެހާ ފަރާތްތަކުން ވެސް ވަޒީފާއާ ބެހޭ ޤާނޫނާ އެއްގޮތްވާ ގޮތުގެ މަތިން 1445 ވަނަ އަހަރުގެ ރޯދަ މަހުގެ އިނާޔަތް ދިނުމަށް ހަނދުމަކޮށްދޭ ކަމަށް އެ އޮތޯރިޓީން ބުނެއެވެ.
ރޯދަ މަހުގެ އިނާޔާތް ދިނުމަށް ލޭބާ ރިލޭޝަންސް އޮތޯރިޓީން ހަނދާންކޮށްދީފައިވާ އިރު، މިއަހަރުގެ ރޯދަ މަސް ފެށެން މި ވަނީ މަހަކަށް ވުރެ ކުޑަތަން ވެފައެވެ. އަންނަ މަހުގެ 11 ވަނަ ދުވަހަކީ 1445 ވަނަ އަހަރުގެ ރޯދަ މަހުގެ ފުރަތަމަ ދުވަސް ކަމަށް ކަލަންޑަރުގައިވެއެވެ.
ރޯދަ އިނާޔަތަކީ ބިދުއައެއް. އިސްލާމީ ގައުމެއްގެ ސަރުކާރަކުން އެންފޯސްކުރަންޖެހޭ އެއްޗަކީ ޒަކާތްދައްކާތޯ ކަށަވަރުކުރުން. އޭގެ ބަދަލުގައި ދީނުގެ އަޅުގަކަމަކާ (ރަމަޟާން މަހުގެ ރޯދަހިފުމުގެ އަޅުކަމާކުޅުވައިގެން) ހަދާފަ މިއޮންނަ ރޯދަ އިނާޔަތް ދީނުގައި އޮންނަ ރިވެތި ގޮތްތަކާ ހިލާފު. ފުރަތަމަ ރޯދަ އިނާޔަތް ލިބެންޖެހެނީ ދިވެހިންނަށް އެކަނި. ނަމަވެސް ރޯދައަކީ މުސްލިމުން ހިފާއެއްޗެއް. އިސްލާމްދީނުގައި ގައިރު މުސްލިމުންނަށް މުސްލިމުންކުރާ ކަންތަކެއް މަޖުބޫރުކުރުމެއް ނެތް. ނަމަވެސް ރޯދައިނާޔަތް ދައްކަންޖެހޭ ގައިމު މުސްލިމު ބިސްނަސް އޯނަރވެސް. ރޯދައިނާޔަަކީ ނަސްލީ އިމްތިޔާޒާ ގުޅިފައޮތް ލާދީނީ އެއްޗެއް ކަމާމެދު ޝައްކެއް ނެތް.