ހުޅުމާލޭގައި ނުރައްކާތެރި އެކްސިޑެންޓެއް ހިނގައި މީހަކަށް އަނިޔާ ލިބިއްޖެއެވެ.
Ads by Asuru
މި އެކްސިޑެންޓު ހިނގީ މިދިލި މަގުގައެވެ. އެ ހާދިސާއާއި ގުޅޭގޮތުން ފުލުހުން މިއަދު ބުނީ މިއެކްސިޑެންޓް ހިނގާފައިވަނީ މިދިލިމަގުން ދުއްވާފައި ދިޔަ ކާރެއް ސޯލާ ޕެނަލް ހަރުކުރުމަށް ޖަހާފައި ހުރި ހޮޅިތަކުގައި ޖެހިގެން ކަމަށެވެ.
މިއެކްސިޑެންޓްގެ މަޢުލޫމާތު ފުލުހުންނަށް ލިބުނީ މިއަދު ހެނދުނު 8.45 ހާއިރު ކަމަށް ވެސް ބުންޏެވެ.
މިއެކްސިޑެންޓްގައި ކާރު ދުއްވަން އިން ޑްރައިވަރަށް އަނިޔާވެގެން ހުޅުމާލެ ހޮސްޕިޓަލުގައި ފަރުވާ ދެމުން އަންނައިރު، މިމައްސަލަ ފުލުހުން ގެންދަނީ ތަޙްޤީގު ކުރަމުންނެވެ.
