ރާއްޖޭގައި އީދު ނަމާދު ފަށާ ގަޑި އަވަސްކުރުމަކީ ކޮންމެހެންވެސް ކުރަން ޖެހޭ ކަމެއްކަމަށް ޝައިހު އަލީ ޒައިދު ވިދާޅުވެއްޖެއެވެ.
ޒައިދު މިހެން ވިދާޅުވެފައިވަނީ އީދު ނަމާދު ފަށާ ގަޑި އަވަސްކުރަން މަޝްވަރާކުރަން މަސައްކަތް ކުރަމުންދާ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވުމާއި ގުޅިގެންނެވެ.
މިނިސްޓަރު ވިދާޅުވީ އީދު ނަމާދު ޖަމާއަތް ފެށޭ ގަޑި އަވަސްކުރުމާ މެދު މިހާރު މަޝްވަރާކުރަމުން އަންނަ ކަމަށެވެ. ނަމަވެސް މިކަމާ ގުޅޭ އިތުރު ތަފުސީލެއް ނުދެއްވައެވެ.
ރާއްޖޭގައި އީދު ނަމާދު މިހާރު ފަށަނީ ހެނދުނު 7:30 ގައެވެ. މި ގަޑިއަކީ ވަރަށް ހޫނު ގަދަ ތަކުލީފު ބޮޑު ވަގުތެއް ކަމަށް ޝައިހު އަލީ ޒައިދު ވިދާޅުވެފައިވެއެވެ.
”ހޫނު މަޑު، ސުންނަތުން ސާބިތު އެންމެ މާތް ވަގުތަކަށް އީދު ނަމާދު ކުރުން ބަދަލު ކުރުމަކީ ވަރަށް ގިނަބަޔަކު އިންތިޒާރު ކުރަމުންދާ ކަމެއް.“ ޒައިދު ވިދާޅުވިއެވެ.
