ރައީސުލްޖުމްހޫރިއްޔާ ޑރ.މުހައްމަދު މުއިއްޒުއަށް ”ގޮތެއް ހެދޭނީ އަޅުގަނޑުމެން ބިމާ ހަމަކޮށްފައި“ ކަމަށް ކ.ގުރައިދޫ ކައުންސިލުގެ ރައީީސް ހުސެއިން ޔާމީން މުހައްމަދު ވިދާޅުވެއްޖެއެވެ.
ރައީސް މުއިއްޒު އެ ރަށުގެ ރައްޔިތުންނާ ބައްދަލުކުރެއްވުމަށް މިއަދު ބޭއްވި ޖަލްސާގައި ވާހަކަ ދައްކަވަމުން ޔާމީން ވިދާޅުވީ ރާއްޖޭގެ ޑިމޮކްރެޓިކް ނިޒާމުގައި ކަންކަން ހިނގަނީ އެދެވޭ ގޮތަށް ނޫން ކަމަށާއި، ރައްޔިތުން ތަރައްގީއަށް އެދި އެދި ވަނިކޮށް، މަޝްރޫއުތަކަށް ބަޖެޓުން ޖާގަ ވެސް ނުދޭއިރު، ދެ ދުވަހުން އެއް ދުވަހު ގޮވަނީ ރައީސުލްޖުމްހޫރިއްޔާ އަޒުލު ކުރާ ވާހަކަ ކަމަށެވެ.
އޭނާ ވަނީ ޒުވާނުން ތިބީ ރައީީސް މުއިއްޒުއާއިއެކުގައި ކަމަށް ވިދާޅުވެ، ޒުވާނުން އެދެނީ މި ގައުމަށް ހަމަޖެހުން އައިސް، އިސް ރަށްވެހިންނަށް ހައްގު ގަދަރު ލިބުން ކަމަށް ވެސް ވިދާޅުވެފައެވެ.
”ރައީސް މުއިއްޒުއަށް ގޮތެއް ހެދޭނީ، އަޅުގަނޑުމެން ބިމާ ހަމަކޮށްފައި. އެކަން ނުކޮށެއް އިރާދަކުރެއްވިއްޔާ، އަޅުގަނޑުމެންނާ ހަމައަކަށް ނާދެވޭނެ، އެކަމެއް ނުކުރެއްވޭނެ، ރައްޔިތުންގެ މަޖިލީހަކަށް ވެސް ނުކުރެއްވޭނެ.“ ޔާމީން ވިދާޅުވިއެވެ.
އޭނާ ވިދާޅުވީ، ރައީސް މުއިއްޒުއަށް ވެރިކަން ހޯދައިދިނީ ދިވެހި ޒުވާނުންނާއި ދިވެހި ރައްޔިތުން ކަމަށާއި، ވެރިކަން ގެންނާން މަސައްކަތް ކުރި ޒުވާނުންނާއި ރައްޔިތުން ނުކުމެ، ވެރިކަން ދިފާއު ވެސް ކުރާނެ ކަމަށެވެ.
ޔާމީން އިތުރަށް ވިދާޅުވީ މި ސަރުކާރުގައި ގުރައިދޫ ދާއިރާއަށް އޮތީ، އާރޯ ދުވަސްތަކެއް ކަމަށާއި، އެ ދާއިރާއަށް މި ސަރުކާރުގައި ދެރަ ގޮތެއް ނުވާނެކަމަށެވެ.
ރައްޔިތުން އަދިވެސް ރައީސް މުއިއްޒުއަށް ފުރުސަތު ދިނުމަށް އެއް ކަމެއް ކުރަންޖެހޭކަން ފާހަގަކުރައްވައި އެމަނިކުފާނުގެ ސަރުކާރަށް ރައްޔިތުންގެ މަޖިލީހުގެ ސާފު އަޣުލަބިއްޔަތު ދޭން ޖެހޭ ކަމަށް ވެސް ޔާމީން ވިދާޅުވިއެވެ.
ބިމުގަ ހުރި އެއްޗެއްވެސް ބިމާ ހަމަކުރަން ޖެހޭތަ
ލާރިގަނޑެއް އަޅާލީމަ ތިހާވަރުވާނީ ރޯދަމަހާދިމާކޮއް ހެޔޮވަރުގެ ފިއްޔެއްޖަހާލީދޯ
ގުރައިދޫޫ ބޮޑުގޭޭ ސޮރެއްް ދޯޯ..
ގަދަަ ބަސްް ތިބުނަނީީ..