މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ އަންހެން މުވައްޒަފުންނަށް މައްސަރު ދުވަސްވަރަށް ހާއްސަ ޗުއްޓީއެއް ދޭން ނިންމައިފިއެވެ.
މިއީ ”ކަނބަލުންގެ ލީވް“ ނަމުގައި ދޭ ޗުއްޓީއެކެވެ.
އަންހެން މުވައްޒަފުންނަށް ހާއްސަ ޗުއްޓީއެއް ތައާރަފްކުރަން ނިންމާފައިވާކަން އެމްޕީއެލްގެ ސީއީއޯ މުހައްމަދު ވަޖީހު އިއުލާންކުރެއްވީ ބައިނަލްއަގްވާމީ އަންހެނުންގެ ދުވަސް ފާހަގަކުރުމަށް ޓީ-ޖެޓީ ސަރަހައްދުގައި އެމްޕީއެލް އިން ރޭ ބޭއްވި ހަފުލާއެއްގައެވެ.
އެމްޕީއެލް އިން ތައާރަފްކުރި ”ކަނބަލުންގެ“ ލީވް އަކީ ކުންފުނީގައި މަސައްކަތްކުރާ އަންހެން މުވައްޒަފުންނަށް މައްސަރު ދުވަސްވަރު ޖިސްމާނީ އަދި ނަފްސާނީ ގޮތުން ދުޅަހެޔޮ އަދި އުފެއްދުންތެރި މަސައްކަތުގެ މާހައުލެއް ކަށަވަރު ކޮށްދިނުމަށްޓަކައި އެ ކުންފުނިން ތަޢާރަފްކުރި ޗުއްޓީއެކެވެ.
މި ޗުއްޓީގެ ދަށުން މެޑިކަލް ސެޓްފިކެޓާ ނުލައި ކޮންމެ މަހެއްގައިވެސް އަންހެން މުވައްޒަފުންނަށް އެއް ދުވަހުގެ ޗުއްޓީއަކަށް އެދެވޭނެއެވެ.
މި ޗުއްޓީ ނެގުމުގެ ފުރުސަތު ވަރަށް އަވަހަށް ހަމަޖެހިގެންދާނެ ކަމަށް އެމްޕީއެލް އިން ބުނެއެވެ.
ތިޔަކަބަލުން އުޅެންވީ…އެކަމް ފިރިހެނުން ނާއި އަންހެނުން ހަމަހަމަޔޯ..ފިރިހެނުން ނައްވެސް ކޮމެސް ނަމެއްކިޔާފަ ދުވަހެއްދިނީމަ ހަމަހަމަ ވާނީ