ރައީސް ޑރ. މުހައްމަދު މުއިއްޒުގެ ހަރުދަނާ ފިޔަވަޅުތަކުގެ ސަބަބުން ޑޮލަރުގެ އެކްސްޗޭންޖު ރޭޓު ހަމަޔަކަށް އެޅެން ފަށައިފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ.
އަދި އުމްރާގެ އަޅުކަމާއި ރޯދަ މަހާ ދިވާމުގެ އިތުރުން އިމްޕޯޓް ކުރާ މިންވަރު އިތުރުވުމުގެ ސަބަބުން ޑޮލަރުގެ ޑިމާންޑް ބޮޑުވި ނަމަވެސް ޑޮލަރުގެ ރޭޓު ބޮޑުނުވެ ހަމަޔަކަށް އެޅެން ފަށައިފި ކަމަށް ވިދާޅުވިއެވެ.
ފެބްރުއަރީ މަހުގެ ތެރޭގައި ރާއްޖޭން، ދުބާއީގައި ބޭއްވި އިންވެސްޓް ފޯރަމުގެ ތެރެއިން ސައީދު ވިދާޅުވެފައިވަނީ ރާއްޖޭގައި އޮތް ޑޮލަރުގެ މައްސަލަ ކުރިއަށް އޮތް ދެތިން މަސް ތެރޭގައި ހައްލުކުރެވޭނެ ކަމަށެވެ.
މިނިސްޓަރު ވިދާޅުވެފައިވަނީ ޑޮލަރުގެ މައްސަލައަށް ދިމާވެފައިވާ އެންމެ ބޮޑު ގޮންޖެހުމަކީ ރާއްޖޭން ނަގާ ބޭރުގެ ލޯނުތައް ދެއްކުމަށް އުފައްދާފައި އޮންނަ ސޮވެރިން ޑިވެލޮޕްމަންޓް ފަންޑަށް ޖަމާކުރަމުންދިޔަ ޑޮލަރު ކުރީ ސަރުކާރުން ނަގައި ހުސްކޮށްފައި އޮތުމެވެ.
ޑޮލަރު ވާހަކަ ދައްކާނީ އޭގެ އަގު ދަށަށް ގެންދެވުމުން. ކަލެއަކީ ފޮނިކަޑާ މީހެއް ކަމެއް ނުކުރެވޭނެ