ކުރީ ސަރުކާރުގައި ގައުމުގެ މިސްރާބު ހުރީ އަޅުވެތިކަމާ ދިމާލަށް ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ރޭ ބޭއްވި ކެމްޕެއިން ހަރަކާތެއްގައި ރައީސް ވަނީ އެމްޑީޕީގެ އޭރުގެ ސަރުކާރުގައި ގައުމުގެ މިސްރާބު ކަމު ނުގޮސްގެން ދިވެހިންގެރާއްޖެ އަށް ދިވެހި ރައްޔިތުން މިސްރާބު ޖަހާފައިވާ ކަމަށް ވިދާޅުވެ، އެ ޕާޓީއަށް ފާޑު ވިދާޅުވެފައެވެ.
އެމަނިކުފާނު ވިދާޅުވީ ރައްޔިތުންގެ މަޖިލީހުގެ ތެރެއިން ހުރިހާ ފޮނި މީރުކަމެއް ހޯދަންޖެހޭ ކަމަށާއި ރާއްޖޭގައި އިންޑިއާ ސިފައިން ތިބި ކަމަށާއި އިގްތިސާދީ ގޮތުން ވެސް ރާއްޖޭގެ މިސްރާބު އޮތީ އަޅުވެތިވެފައި ކަމަށެވެ.
އޭރުގެ ވެރިކަމުގައި، އެތައް ބިލިއަން ޑޮލަރެއްގެ ލޯނުތައް ނަގައި، ވެރިކަން ނިމުނުއޮރު ލޯނުތައް ދެއްކޭނެ ގޮތެއް ވެސް ފަހިނުކޮށްފައި ނުވާ ކަމަށް ރައީސް މުޢިއްޒު ވިދާޅުވިއެވެ.
މީގެ އިތުރުން ރައީސް ވިދާޅުވީ އެމްޑީޕީން ވެރިކަން ނިންމާލީ ރާއްޖޭގެ ރައްޔިތުންގެ ބޮލުގައި 120 ބިލިއަން ރުފިޔާ އަށް ވުރެ ގިނަ ދަރަނި އަޅުވާފައި ކަމަށެވެ. އަދި ކުރީގެ ސަރުކާރު ނިމުނިއިރު އެތައް ވިޔަފާރިތަކަކަށް ސަރުކާރު އޮތީ ދަރާފައިކަން ރައީސް ފާހަގަކުރެއްވިއެވެ.
ރައީސް މުޢިއްޒު ވިދާޅުވީ އެ ބިލުތައް ނުދައްކާ އޮތުމުން ގިނަ ރަށްތަކުގައި މަސައްކަތްތައް ހުރީ ހުއްޓިފައި ކަމަށާއި އެގޮތުން އޭރު މިސްރާބު ހުރީ ތަރައްގީއާ ދުރަށް އަޅުވެތިކަމާއި ދިމާލަށް ކަމަށް ރައީސް ވިދާޅުވިއެވެ.
