ކުރީ ސަރުކާރުން ހުޅުމާލޭގެ ދެވަނަ ފިޔަވަހިން ދިން ގޯތިތަކުގެ ތެރޭގައި ހުރި ފެނާއި ނަރުދަމާ ނެޓްވޯކުތައް އެހެން ތަންތަނަށް ބަދަލު ކުރުމުގެ އަމަލީ މަސައްކަތް ފަށައިފިއެވެ.
މި މަސައްކަތް ކުރަނީ ހައުސިންގ ޑިވަލޮޕްމެންޓް ކޯޕަރޭޝަން(އެޗްޑީސީ) އާއި މާލޭ ވޯޓަރ އެންޑް ސުވޭޖް ކޮންޕެނީ(އެމްޑަބްލިޔުއެސްސީ) ގުޅިގެންނެވެ.
މި މަސައްކަތް އިފްތިތާހު ކޮށްދެއްވީ އެޗްޑީސީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދާއި އެމްޑަބްލިޔުއެސްސީގެ މެނޭޖިން ޑިރެކްޓަރ އަބްދުލް މަތީން މުހައްމަދެވެ.
މަގުތަކާއި ނެޓްވޯކްތަކަށްވާ ގޮތަށް 150އެއްހައި ގޯތި ހުރިއިރު، މިކަން ހައްލު ކުރަން 200 މިލިއަން ރުފިޔާ ހަރަދު ވާނެއެވެ.
މި ރަސްމިއްޔާތުގައި ފަޒުލް ވިދާޅުވީ، ފެނާއި ނަރުދަމާ ރީލޮކޭޓް ކުރުމުގެ މަސައްކަތް އެމްޑަބްލިއުއެސްއީއާއި ގުޅިގެން ވީހާވެސް އަވަހަކަށް ނިންމާނެކަމަށާއި، މިއީ އެ ސަރަހައްދުން ދީފައިހުރި ބިންތައް ރައްޔިތުންނަށް ދޫކުރުން އަވަސްކުރުމުގެ ގޮތުން ފެށި މަސައްކަތެއް ކަމަށެވެ.
މަތީންގެ ވާހަކައިގައި ވެސް ވިދާޅުވީ، ގޯތި ކުރިން ދީފައި ހުންނަން ޖެހޭނީ ނެޓްވޯކުތަކަށް ނާރާނެ ގޮތަށް ކަމަށާއި، މިއީ ހައްލު ކުރަން ޖެހޭނެ މައްސަލައެއް ކަމަށެވެ.
