މާލޭގެ ތަޤުވާ މިސްކިތުން ހަތް ފަންކާ ވަގަށް ނަގައިފިއެވެ.

Ads by Asuru

މާލެ ސިޓީ ކައުންސިލުން ވީޑިއޯ އާންމުކޮށް އެކްސްގައި ކުރި ޕޯސްޓެއްގައި ބުނީ ތިން ރޭ މަތިން ތަޤުވާ މިސްކިތުން ހަތް ފަންކާ ވަގަށް ނަގާފައިވާ ކަމަށެވެ.

އަދި ދަރުމަވަންތަ މިސްކިތުގެ ފެން މޯޓަރު ރޭގެ ވަގުތެއްގައި ވަގަށް ނަގާފައިވާ ކަމަށްވެސް އެ ކައުންސިލުން ކުރި ޕޯސްޓެއްގައި ބުނެފައި ވެއެވެ.

މި މައްސަލަ މިހާރު ވަނީ ފުލުހުންނަށް ހުށަހަޅާފައެވެ. ފުލުހުން ބުނީ ކުށް ހިނގި ތަނުން ތަހުގީގަށް ބޭނުންވާ މައުލޫމާތު އެއްކުރުމަށް ފުލުހުން ދަނީ މަސައްކަތް ކުރަމުން ކަމަށެވެ.