އަމިއްލަ ގޮތުން ކުޅުދުއްފުށީ ދެކުނު ދާއިރާއަށް ވާދަކުރެއްވި އައިމަން މުހައްމަދު ޕީޕީއެމް/ޕީއެންސީގެ ޓިކެޓް ކާމިޔާބުކުރެއްވި ސަރުކާރު ކެންޑިޑޭޓު ފަރުހަތު މުހައްމަދު (ފަރޭ) އަށް ތާއީދުކުރައްވަން ނިންމަވައިފިއެވެ.
އައިމަން ތާއީދު ކުރައްވަން ނިންމެވި ފަރޭއަކީ އޭނާގެ އެއްބަފާ ބޭބެކަން ފާހަގަކޮށްލެވެއެވެ.
އައިމަންއަށް ޕްރައިމަރީގައި ނާކާމިޔާބުވީ ހަތް ވޯޓުގެ ތަފާތުންނެވެ.
ޕްރައިމަރީން ބަލިވުމުން އައިމަން ވަނީ އަމިއްލަ ގޮތުން ވާދަ ކުރައްވަން ނިންމަވައި، ކެމްޕެއިން ފައްޓަވާފައެވެ. ނަމަވެސް އެންމެ ފަހުން އޭނާ ނިންމެވީ ޕީއެންސީ/ޕީޕީއެމްގެ ކޯލިޝަނަށް އެންމެ ފައިދާ ވާނެ ގޮތަށް، އެ ކޯލިޝަނަށް ކުޅުދުއްފުށި ދެކުނު ދާއިރާގެ ގޮނޑި ހޯދައިދިނުމަށް ފަރޭއާ އެއްގަލަކަށް އެރުމަށެވެ.
އެމްޑީޕީގެ ފަރާތުން ކުޅުދުއްފުށީ ދެކުނު ދާއިރާއަށް ވާދަކުރައްވަނީ ކުރީގެ ޓޫރިޒަމް މިނިސްޓަރު އަލީ ވަހީދެވެ.
