ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ކާމިޔާބުގެ އެންމެ ބޮޑު ސިއްރަކީ އެ މަނިކުފާނުގެ ތެދުވެރިކަމާއި އިހްލާސްތެރިކަން ކަމަށް އެމަނިކުފާނުގެ ސްޕެޝަލް އެޑްވައިޒަރު އަދި ލ.ފޮނަދޫ ދާއިރާގެ އިންތިހާބީ މެމްބަރު އަބްދުއްރަހީމް ވިދާޅުވެއްޖެއެވެ.
”ރައްޔިތުންގެ ހުސްވުމެއްނެތް ލޯބިދާނީ އެ ވެރިޔަކަށް އޮހެމުން. އެ މަންޒަރު ވާދަވެރިންނަށް ފެނުމުން ހަސަދަވެރިކަން ހައްދު ފަހަނައަޅާދާނެ. މިއީ ދުނިޔެ ދައްކާ ހަގީގަތް. ފެންނަމުން މިދަނީ އެކަން.“
އަބްދުއްރަހީމް އިތުރަށް ވިދާޅުވީ ރައީސް ޑރ.މުއިއްޒުގެ ކާމިޔާބުގެ އެންމެ ބޮޑު ސިއްރަކީ އެ މަނިކުފާނުގެ ތެދުވެރިކަމާއި އިހްލާސްތެރިކަމުގެ އިތުރުން ރިވެތި އަހްލާގާއި މަޑުމައިތިރި މިޒާޖު ކަމަށެވެ.
ރައީީސް މުއިއްޒުއާއި އަރިސް އަބްދުއްރަހީމް މީގެ ކުރިން ވެސް ވަނީ، އެމަނިކުފާނަށް ދިމާވާ ކޮންމެ ކަމެއްގައި ވަފާތެރިކަމާއި އިހްލާސްތެރިކަމާއި އެކު އެންމެ ގާތުން ހުންނަވާނެ ކަމަށް ވެސް ވިދާޅުވެފައެވެ.
