ރާއްޖެއަށް މިހާރު ކުރަމުންދާ ވިއްސާރައިގައި އާއްމު ރައްޔިތުންގެ ދިރިއުޅުމުގެ ހާލަތަށް ބުރޫ އަރާފައިވާތީ، ވިއްސާރައާއި ގުޅިގެން ކުރިމަތިވަމުންދާ ކަންކަން މޮނިޓަރކޮށް ރައްޔިތުންނަށް ކުރިމަތިވާ ކަންކަމަށް އަވަސް ހައްލު ހޯދައިދިނުމަށްޓަކައި ރައީސުލްޖުމްހޫރިއްޔާ ހާއްސަ ޓާސްކް ފޯސްއެއް އުފައްދަވައިފިއެވެ.
މި ޓާސްކްފޯސް ޗެއަރ ކުރެއްވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުއެވެ.
މިޓާސްކްފޯސްގައި ދެން ހިމެނި ވަޑައިގަންނަވަނީ
1- މުހައްމަދު ޣައްސާން މައުމޫން – މިނިސްޓަރ އޮފް ޑިފެންސް
2-އަލީ އިހސާން – މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީ
3-ޑރ. އިސްމާއީލް ޝަފީއު – މިނިސްޓަރ އޮފް އެޑިޔުކޭޝަން
4-ޑރ. ހަލީލު – މިނިސްޓަރ އޮފް ހެލްތް
5-ތާރިގު އިބްރާހީމް – މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ
6-އާދަމް ޝަރީފް އުމަރު – މިނިސްޓަރ އޮފް ސިޓީސް، ލޯކަލް ގަވަރންމަންޓް އެންޑް ޕަބްލިކް ވާރކްސް
7-ފަޔާޟް – ޗީފް އޮފް ސްޓާފް
8-ޗީޕް އޮފް ޑިފެންސް ފޯސް މޭޖަރ ޖެނެރަލް އިބްރާހީމް ހިލްމީ
9-ކޮމިޝަނަރ އޮފް ޕޮލިސް އަލީ ޝުޖާއުއެވެ.
ރާއްޖެއަށް މިހާރު ކުރަމުން އަންނަ ވިއްސާރައިގައި، މާލޭގެ 200 އަށްވުރެ ގިނަ ގޭގެއަށް ފެން ވަދެފައިވާއިރު، އަތޮޅު ތެރޭގައި ވެސް ފެންބޮޑުވުމުގެ ހާދިސާތައް ދަނީ ހިނގަމުންނެވެ.
ފެން ހިންދުމުގެ މަސައްކަތުގައި ސިފައިންނާ ފުލުހުން ދަނީ ހަރަކާތްތެރި ވަމުންނެވެ.
