ރައީސުލްޖުމްހޫރިއްޔާ ޑރ. މުހައްމަދު މުއިއްޒުއާ ބެހޭ ގޮތުން ”އަދަދު“ ނޫހުން ދޮގު ޚަބަރެއް ފެތުރުމަށް ފަހު، އެ ޚަބަރު ޑިލީޓްކޮށް ރައްޔިތުންގެ ކިބައިން މައާފަށް އެދިއްޖެއެވެ.
ރައީސް މުއިއްޒު ބިޒްނަސް ކްލާހުގައި ދަތުރުފުޅު ކުރެއްވުމުން، އެމަނިކުފާނު ފަސްޓްކްލާހުގައި ދަތުރުފުޅު ކުރެއްވި ކަމަށް ބުނެ ދޮގު ފެތުރުމަށް ފަހު އެންމެ ފަހުން ”އަދަދު“ އިން ވަނީ އެ ޚަބަރު ޑިލީޓްކޮށްފައެވެ.
އަދި އެކްސް އާއި ފޭސްބުކް މެދުވެރިކޮށް ކުރި ޕޯސްޓުތަކެއްގައި އެއީ ދޮގު ޚަބަރެއް ކަމަށް އެއްބަސްވެ، ކިޔުންތެރިންގެ ކިބައިން މައާފަށް ވެސް އެދިފައިވެއެވެ.
އަދަދު ނޫހުން މީގެ ކުރިން ވެސް ގެނެސްދިން ޚަބަރުތައް ރައީސް އޮފީހުން ދޮގު ކުރައްވައިފައިވެއެވެ.
ގައުމުތަކުގެ ވެރިން ދަތުރުފުޅު ކުރައްވަނީ ފަސްޓް ކްލާހުގައެވެ. ނަމަވެސް ހަރަދުތައް ކުޑަ ކުރެއްވުމުގެ ގޮތުން ރައީސް މުއިއްޒު ވަނީ ފްސްޓް ކްލާހުގައި ދަތުރުފުޅު ނުކުރައްވަން ނިންމަވައިފައެވެ.
