ރައީސް ޔާމީނަށް މިއަދު ރައްޔިތުން މަރުހަބާ ކިޔަނީ އަދި މާ ލޯބިން ކަމަށް ޕީއެންސީގެ ނައިބު ރައީސް އިބްރާހީމް ޝުޖާއު ވިދާޅުވެއްޖެއެވެ.
ރައީސް ޔާމީނާއި ޕީޕީއެމް-ޕީއެންސީގެ ލީޑަރޝިޕްގެ ބައެއް ބޭފުޅުން މިއަދު ވަނީ ދ.ކުޑަކުހުވަދޫއަށް ވަޑައިގެންފައެވެ. އެރަށުން އެމަނިކުފާނަށް ވަރަށް ހޫނު މަރުހަބާއެއް ވަނީ ކިޔާފައެވެ.
މިކަން ފާހަގަކުރައްވައި، ހުޅުމާލެ ދާއިރާގެ ކައުންސިލަރު ޝުޖާއު ވިދާޅުވީ، ރައީސް ޔާމީން ވެރިކަމުގައި ހުންނެވިއިރު، އެމަނިކުފާނަށް މަރުހަބާ ކިޔަން ރައްޔިތުން ނުކުތީ މަޖުބޫރުވެގެން ކަމަށް އެމަނިކުފާނުގެ ވާދަވެރިން އޭރު ބުނަމުންދިޔަ ކަމަށެވެ.
ވެރިކަމުގަ ހުންނެވި އިރު ވާދަވެރިން ބުނީ ރައްޔިތުން މަރުޚަބާ ކިޔަން ނެރެނީ މަޖުބޫރު ކޮށްގެންނޭ!
އޭރުވެސް ރައްޔިތުން ރައީސް @prz_ymn އަށް މަރުޚަބާ ވިދާޅުވީ ލޯބިން.މިއަދު އަދި މާ ލޯބިން.
ޝުކުރިއްޔާ ކުޑަހުވަދޫ ރައްޔިތުން.#ކުޑަހުވަދޫވެސްޕީޕީއެމް#ރައީސްޔާމީން2023#RY2023 pic.twitter.com/2S4X9Hvepg— Ibrahim Shujau (@IbrahimShujaau) September 29, 2022
އޭރުވެސް ރައްޔިތުން ރައީސް ޔާމީނަށް މަރުހަބާ ކިޔާފައިވަނީ ލޯބިންކަން ފާހަގަކުރައްވައި، ޝުޖާއު ވިދާޅުވީ ”މިއަދު އަދި މާ ލޯބިން“ ރައްޔިތުން ރައީސް ޔާމީނަށް މަރުހަބާ ކިޔާ ކަމަށެވެ.
މެދުކެނޑުމަކަށްފަހުގައި ރައީސް ޔާމީން އަތޮޅުތެރެއަށް ދަތުރުފުޅު ފެއްޓެވިއިރު، މިރޭ ކުޑަހުވަދޫގައި ޖަލްސާއެއްވެސް ބޭއްވުމަށް ވަނީ ހަމަޖެހިފައެވެ. މި ޖަލްސާގައި ރައީސް ޔާމީން ވާހަކަފުޅު ދައްކަވާނެއެވެ.
