މަގާމުގެ ދަހިވެތިިކަމުގައި ހޯމް މިނިސްޓަރު އިމްރާން ކޮންމެ ފަދަ ކަމެއްވެސް ކުރައްވާފާނެ ކަމަށް ޕީޕީއެމްގެ ނައިބު ރައީސް އަދި ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެއެވެ.

Ads by Asuru

ޝިޔާމް މިފަދައިން ވިދާޅުވެފައިވަނީ މިނިސްޓަރު އިމްރާނަށް ވަރަށް ބޮޑަށް ފާޑުވިދާޅުވެ، މިއަދު ކުރައްވާފައިވާ ޓްވީޓެއްގައެވެ.

ރައްޔިތުންގެ މަޖިލީހުގެ އުނގޫފާރު ދާއިރާގެ ކުރީގެ މެމްބަރު، އަލްމަރްހޫމް ޑރ.އަފްރާޝީމް އަލީ އަވަހާރަ ކޮށްލި މައްސަލައާ ގުޅޭގޮތުން 2015 ވަނަ އަހަރުގައި، އެމްޑީޕީން ކުރި މޭޑޭ މުޒާހަރާގައި، ޝެއިޚް އިމްރާން ދެއްކެވި ވާހަކަތަކަށް ފާޑުވިދާޅުވެ، ޝިޔާމް ވަނީ ކޮނޑުހުޅުން ނެއްޓޭވަރަށް ކަރުދާސްތަކެއް ހިއްޕަވައިގެން މޭޑޭގައިވެސް އިމްރާން. މިހުރީ ހެއްކޭ ގޮވި ކަމަށެވެ.

”ޑރ.އަފްރާޝީމް މަރާލުމުގައި ބައިވެރިވީ މިވެނި ބައެކޭ. މަޖިލީހުގައި އެސުވާލު ކުރުމުން ވިދާޅުވީ ކަރުދާސްތައް ޕޮލިހުން އަތުލައިފިޔޭ. މަޤާމުގެ ދަހިވެތިކަމުގައި ކޮންމެފަދަކަމެއްވެސް ކުރައްވަފާނެ.“ ޝިޔާމް ވިދާޅުވިއެވެ.

ޝިޔާމް، އަދާލަތު ޕާޓީގެ ރައީސް އިމްރާނަށް ފާޑުވިދާޅުވެފައި ވަނީ، ޗާގޯސް މައްސަލައިގައި ރައީސް އިބްރާހީމް މުހައްމަދު ސޯލިހު ހެއްދެވީ ތެދު ކަމަށް އިމްރާން ވިދާޅުވުމާ ގުޅިގެންނެވެ.