ރައީސް އިބްރާހީމް މުހައްމަދު ސޯލިހުގެ ނާގާބިލުކަން ހާމަކުރާ އެމްޑީޕީގެ މެމްބަރުންނަށް ސާބަސް ދަންނަވާ ކަމަށް ކުރީގެ ނައިބު ރައީސް ޑރ.މުހައްމަދު ޖަމީލު އަހުމަދު ވިދާޅުވެއްޖެއެވެ.
އެމްޑީޕީގެ ބައެއް ބޭފުޅުން ފަހަކަށް އައިސް މި ސަރުކާރުގެ ތެރޭގައި ވައްކަމާއި ކޮރަޕްޝަން އިންތިހާ އަށް ގޮސްފައިވާ ކަމަށް ބުނެ ދައްކަވާ ވާހަކަތަކަށް އިޝާރާތް ކުރައްވައި ޖަމީލު މިއަދު ކުރެއްވި ޓްވީޓެއްގައި އެމްޑީޕީގެ ތެރޭގައި ދެކެވޭ އެ ވާހަކަތަކަށް އެއްބަސްވެވޭ ކަމަށެވެ.
އަދި އެކަމަށް އެއްބަސްވެވުމަކީ އެމްޑީޕީގެ ރައީސް މުހައްމަދު ނަޝީދަށް ތާއީދުކުރުން ނޫން ކަމަށް ވެސް ޖަމީލު ވިދާޅުވިއެވެ. ޖަމީލު އިތުރަށް ވިދާޅުވީ ރައީސް ސޯލިހަކީ ވައްކަމާ ކޮރަޕްޝަން މެދު އުޑަށް ގެންދެވި ބޭފުޅާ ކަމަށެވެ.
”ނަޝީދަށް ތާއީދުކުރަނީކީ ނޫން. އެކަމަކު އެމްޑީޕީ ތެރޭގައި ރައީސް ސޯލިހަކީ ވައްކަމާއި ކޮރަޕްޝަން މެދުއުޑަށް ގެންދިޔަ ފަރާތްކަމަށް އެ ޕާޓީގެ މެމްބަރުން ބުނުމުން ނަޝީދަށް އިންޒާރުދޭ ފަރާތްތައް އެދުވަހު ހަނު.“ އޭނާ ވިދާޅުވިއެވެ.
ރ.ނަޝީދަށް ތާއީދުކުރަނީކީ ނޫން. އެކަމަކު އެމްޑީޕީ ތެރޭގައި @ibusolih އަކީ ވައްކަމާއި ކޮރަޕްޝަން މެދުއުޑަށް ގެންދިޔަ ފަރާތްކަމަށް އެޕާޓީގެ މެމްބަރުން ބުނުމުން ނަޝީދަށް އިންޒާރުދޭ ފަރާތްތައް އެދުވަހު ހަނު؟ރ. އިބޫގެ ކޮރަޕްޝަން/ނާގާބިލްކަން ހާމަކުރާ އެމްޑީޕީ މެމްބަރުންނަށް ސާބަސް! pic.twitter.com/KgAwSussM5
— Mohamed Jameel Ahmed (@MJameelAhmed) November 13, 2022
ނަޝީދާއި އެ މަނިކުފާނުގެ ފަޅީގައި ތިއްބެވި މަޖިލިސް މެމްބަރުން މިހާރަކަށް އައިސް ގެންދަނީ ސަރުކާރަށް ވަރަށް ބޮޑެތި ތުހުމަތުތަކެއް ކުރައްވަމުންނެވެ.
