ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު ޖާބިރާއި، ކުރީގެ ބަންޑާރަ ނައިބު ފާތިމަތު ދިޔާނާ ސައީދު ތިއްބެވީ އެއްކޮށް ކަމަށާއި، ވަރިވެސް ސާބިތު ނުވާ ކަަަމަށް ޖާބިރު ވިދާޅުވެއްޖެއެވެ.
އޭނާ މިހެން ވިދާޅުވެފައިވަނީ ރާއްޖެ ޓީވީގެ ޕްރޮގްރާމެއްގައި ދެއްކެވި ވާހަކައިގައެވެ. އެ ޕްރޮގްރާމްގައި އޭނާ ވިދާޅުވީ ދިޔާނާ ދެކެ ވަރަށް ލޯބިވެވަޑައިގަންނަވާ ކަމަށާއި، ވަރިވުން ކަހަލަ ކަމެއް އަދި ނުހިނގާ ކަމަށެވެ.
”އަޅުގަނޑަކަށް ނޭނގެ ދެން އަޅުގަނޑާ ދިޔާނާ އާ ދެމީހުން މިތިބީ އެއްކޮށް. އަދި ތިބުނާ ވަރި ސާބިތެއް ނުވޭ. ތިޔަ ވަރިއެއް ސާބިތު ކުރަން ބަޔަކު ގޮސްގެންތާ ވާނީ. އަޅުގަނޑު ވަރަށް ލޯބިވޭ އަޅުގަނޑު އަންހެނުން ދެކެ.“ ޖާބިރު ވިދާޅުވިއެވެ.
ޖާބިރު މިހެން ވިދާޅުވިނަަމަވެސް، ދިޔާނާ މީގެ ކުރިން ވަނީ ޖާބިރާ ކުރެއްވި ކައިވެނި ނިމުމަކަށް އައިސްފައިވާކަން ހާމަކުރައްވައިފައެވެ.
