ދިވެހިން އަޅުވެތި ކުރަން އުޅޭ ބަޔަކާ ދެކޮޅަށް ދިވެހިން ތެދުވާނެ ކަމަށް ޕީއެންސީގެ ރައީސް އަބްދުއްރަހީމް ވިދާޅުވެއްޖެއެވެ.
ރާއްޖޭގައި ތިބި އިންޑިއާ ސިފައިން ފޭބުމަށް ގޮވާލާ ކުރިއަށްދާ ”އިންޑިއާ އައުޓް“ ކެމްޕެއިނަށް ތާއީދެއް ނެތް ކަމަށް އެމްޑީޕީގެ ރައީސް، އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވުމުން، އެވާހަކަފުޅަށް ރައްދު ދެއްވައި ކުރެއްވި ޓްވީޓެއްގައި އަބްދުއްރަހީމް ވިދާޅުވީ ސިޔާސީ ބާރުވެރިކަން ދެމެހެއްޓުމަށްޓަކައި، ދިވެހިން އަޅުވެތި ކުރަން މަސައްކަތް ކުރާ ބަޔަކާ ދެކޮޅަށް ދިވެހިން ތެދުވާނެކަން ދަންނަން ޖެހޭނެ ކަމަށެވެ.
އަދި ވިދާޅުވީ ”އިންޑިއާ އައުޓް“ ކެމްޕެއިނަށް ތާއީދު އޮތްކަން އެނގެނީ ސަރުކާރުން ބާރުގެ ބޭނުން ނަހަަމަ ގޮތުގައި ހިފައިގެން އެ ކެމްޕެއިން ހުއްޓުވަން އުޅޭތީ ކަމަށެެވެ.
Siyaasee baaruverikan dhemehettumahtakai Dhivehin alhuvethikuran masahkaiy kuraa bayakaa dhekolhah Dhivehin thedhuvaanekan dhannanjeheyne.India Out campaign ah thaaeedhu oiy kan en’genee sarukaarun baaruge beynun nahama gothugai hifaigen E campaign huttuvan ulheythee #IndiaOut
— Abdul Raheem Abdulla (@Banafsaa) May 27, 2022
”އިންޑިއާ އައުޓް“ ކެމްޕެއިނާ ވާދައަށް، އެގައުމުގެ ދިފާއުގައި ބައެއް ފަރާތްތަކުން ވަނީ ސޯޝަލް މީޑިއާ ކެމްޕެއިނެއް ފަށައިފައެވެ. މި ކެމްޕެއިނުގެ ބައިވެރިން ބޭނުން ކުރަމުން އަންނަ ހޭޝްޓެގަކީ ”ބާކީނުވޭ“އެވެ. މި ކެމްޕެއިނަށް ގިނަ ބަޔަކު ދަނީ ފާޑު ކިޔަމުންނެވެ.
